«ГIалгIай Республике дешарах долча» ГIалгIай Республика Закона  3 а 17 статьяшта хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                                  2026 шера бекарга бетта 23 ди

Статья 1

«ГIалгIай Республике дешарах долча» 2014 шера саькура бетта                           3 дийнахьарча №5-РЗ йолча ГIалгIай Республика Закона (газет «ГIалгIайче»,  2014 шера саькура бетта 6 ди; 2015 шера саькура бетта  5 ди; Официальни бокъон хоама интернет-портал (www.pravo.gov.ru), 2015 шера оагIой  бетта 14 ди; 2016 шера аьтинга беттта 2 ди,  оагIой бетта 29 ди; 2018 шера тов бетта 4 ди; 2019 шера кIимарса бетта 4 ди; интернет-газет «ГIалгIайче» (www.gazetaingush.ru), 2020 шера тов бетта 18 ди; 2021 шера аьтинга бетта 2 ди; Официальни бокъон хоама интернет-портал  (www.pravo.gov.ru), 2021 шера тов бетта 30 ди; интернет-газет «ГIалгIайче» (www.gazetaingush.ru), 2022 шера тушола бетта  5 ди, бекарга бетта 29 ди; Официальни бокъон хоама интернет-портал  (www.pravo.gov.ru), 2022 шера кIимарса бетта 15 ди; 2023 шера саькура бетта 2 ди; интернет-газет «ГIалгIайче» (www.gazetaingush.ru), 2023 шера оагIой бетта 6 ди; 2024 шера лайчилла бетта 19 ди; 2025 шера оагIой бетта 30 ди) юкъехьо Iобелгалдаь хувцамаш: 

1) 3 статьяйна тIатохар де Iобелгалбаь чулоацам болча 21 даькъаца:

«21. ГIалгIай Республика паччахьалкхен Iаьдала органий бокъо я  профессиональни дешара программайх болхлой говзалех профессиональни кийчо яра  паччахьалкхен чаккхен аттестаци еш  ладарло йола чаккхенаш хиннача а е белгалъяьча программайх  паччахьалкхен чаккхен аттестацех паччахьалкхен аттестаци яра аргIанца  нийса йолча хан-юкъа,  аргIа йолча дешара программайх чакх ца баьннача болхлой, служащей даржашка болча наха паччахьалкхен га-лоадам бе. Белгалъяь бокъо кхоачашъеча хана ГIалгIай Республика паччахьалкхен Iаьдала органаша белгалъю, белгалбаь нах профессиональни Iомабара йолча болхлой, служащей даржий перечень, цига цу тайпара профессиональни дешар Iомадеш йолча организацей перечень, иштта цу тайпара профессиональни дешар Iомадара аргIа а.»;

2) 17 статье:

а) 1 даькъе: 

деша «Гражданин» тIехьа тIатохар де дешашца «Российски Федераце»; 

дешашта «(дIахо – целевой дешара  заказчик)» тIехьа тIатохар де дешашца «, нагахьа санна кхыдар Федеральни законо е Российски Федераце дуненхалкъашта юкъерча договораца оттадаь деце.»;

б) 15 даькъе дешашта «гражданина компенсаци дIалу» тIехьа тIатохар де дешашца «балха оттавара декхараш кхоачаш ца дой е целевой дешарах дола договор цхьан оагIон аргIах дохадой»;

в) тIатохар де Iобелгалбаь чулоацам болча 161  а 162  а доакъошца:

«161. Целевой дешарах долча договораца могаду, цу договораца нийса дешара программа караерзаяьча гражданина къахьегам декхараш ханна соцадара  бокъо ялар, нагахьа санна  цу заказчикага дIахо долча лагIа йолча дешара программах целевой дешар Iомадарах договор оттадича  (дIахо – целевой дешар Iомадарах дола керда договор) укх белгалдаьча хьалашка:

1) целевой дешар Iомадарах договораца (цу договора совнагIа тIатохарца) белгалду гражданина къахьегам дIабахьарах дола, договораца нийса декхараш кхоачаш ца дарах  бехказло ялара бокъо, нагахьа санна целевой дешар Iомадарах керда договор оттадича;

2) нагахьа санна гражданина целевой дешар Iомадарах долча договораца нийса къахьегам дIабахьара декхараш кхоачашдара йола хан-юкъ чакх ца яьлча;

3) целевой дешар Iомадарах договораца а целевой дешар Iомадарах долча керда оттадаьча договораца а  белгалду карадерзадар:

а) целевой дешар Iомадарах договораца – квалифицированни  болхлой, служащеш кийчбара программах, целевой дешар Iомдарах долча кердача договораца – юкъерча звено говзанчаш Iомабара программах;

б) целевой дешар Iомадарах договораца – бакалавриата программаш, целевой дешар Iомадара кердача договораца  – магистратура программаш; 

в) целевой дешар Iомадарах договораца – специалитета программаш е магистратура программаш, целевой дешар Iомадарах долча кердача договораца – аспирантуре Iилман а Iилман-педагогически а программайх говзанчаш кийчбара (нагахьа санна целевой дешар Iомадарах договораца лакхехьара лорий дешара программа караерзаяр е лакхехьара фармацевтически дешар Iомаделга белгалдар ца лаьрхIача), ординатура программа е  ассистентура-стажировка программа.

 162. Нагахьа санна гражданино целевой дешар Iомадарах долча кердача договораца нийса къахьегам кхоачашбарах дола декхараш кхоачашдича, гражданин а заказчик а  хьалхагIа оттадьча, целевой дешар Iомадарах долча договорех хиннача дерригача декхарех мукъа бут. Нагахьа санна гражданина а (е) целевой дешар Iомадара заказчика а целевой дешар Iомадарах долча кердача договораца оттадаь декхараш кхоачаш ца деш гражданин а (е)  целевой дешар Iомадара заказчик а Iийча бехктокхаме овтт, целевой дешар Iомадара долча кердача договораца дола декхараш кхоачаш ца дарах, целевой дешар Iомадарах долча кердача договорах а целевой дешар Iомадарах  хьалхагIа оттадьча договорех а.»;

г) 17 даькъе:

дешашта «компенсаци далара аргIа» тIехьа тIатохар де дешашца «балха оттавара декхараш кхоачаш ца дарах е цхьан оагIорахьара целевой дешар Iомадарах дола договор дохадича»;

дешашта «муниципальни услугаш» тIехьа тIатохар де дешашца «целевой дешар Iомадарах дола керда договор оттадара аргIа».

Статья 2 

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкда                                                Келаматнаькъан М.М.  

   г. Магас

2026 шера   «8» ди маьтсела бетта

        № 19-РЗ