«ГIалгIай Республика доазон тIа налогаш лушбарашта цхьалхаяьккхача налога системах пайда эцаш йолча налогови  ставках долча» ГIалгIай Республика Закона 2 статье хувцамаш юкъебахьара хьакъехьа

ТIаийцад

ГIалгIай Республика

Халкъа Гуллама                       2026 шера бекарга бетта 23 ди

Статья 1

«ГIалгIай Республика доазон тIа налогаш лушбарашта цхьалхаяьккхача налога системах пайда эцаш йолча налогови ставках долча» 2018 шера оагIой бетта 29 дийнахьарча №53-P3 йолча ГIалгIай Республика Закона (интернет-газет «ГIалгIайче» (www.gazetaingush.ru), 2018 шера оагIой бетта 29 ди; 2020 шера аьтинга бетта 30 ди; 2022 шера тов бетта 6 ди; 2023 шера кIимарса бетта 7 ди) 2 статье хувцам юкъехьо, Iобелгалъяьча редакце из дIа а язъеш:

  «Статья 2

  1. Цхьалхаяьккхача налогови системах пайда эцача организацештеи индивидуальни предпринимателаштеи лаьрхIа налогови оттам 14,7 процента боараме оттабу, цар, налог тохара объект санна, расходий дукхала боарраме кIезигбаь бале, паччахьалкхен аккредитацен документ хьаийца, хоам бара технологех къахьегача, цхьалхаяьккхача налогови системах пайда эцаш хилча цхьалхаяьккхача налог тохара пайдаех, расходий боарам ца лоархIа организацеш, налог тохара куц пайдай боараме хиннача расходий боараме кIезиг а деш. 

Паччахьалкхен аккредитаци ярах дола документ хьаийцача, хоам бара технологех къахьегача, цхьалхаяьккхача боараме налог тохара системах пайда эцача а налог тохара куц пайдай боараме хиннача расходий боараме кIезиг а деш организацешта налогови ставка боарам оттабу 5 процента боараме.

Укх даькъа положенеш Российски Федераце Налогови кодекса 34620 статьяй 2 пунктаца нийса дIа-хьа ярж, налогаш лушбарашта Российски Федераце Правительствос белгалдеш долча экономически къахьегама къаьстта тайпаш а Российски Федераце Правительствос оттаяьча критерешта жоп луш а хилча.

2. Налогови ставка 2 процента боараме оттаю организацешта а, индивидуальни предпринимателашта а, цар цхьалхаяьккха налогаш тохара системах пайда эцаш а налог тохара объект санна пайдаш белгалдаь  хилча, хоам бара технологех къахьегача, паччахьалкхен аккредитацех дола документ хьаийца, цхьалхаяьккхача налогови системах пайда эцаши цхьалхаяьккха налог тохара пайдаех, расходий боарам ца лоархIача организацеша.

Нагахьа санна паччахьалкхен аккредитаци хьаэцарах дола документ долча, организаце хоам бара технологей даькъе къахьегача, налогаш тохара цхьалхаяьккхача системах пайда эцаш хилча а пайдаех налогаш ялара объект хьахержача а, налога  боарам 1 процент оттабу.

Укх даькъа положенеш Российски Федераце Налогови кодекса 34620 статьяй 1 пунктаца нийса дIа-хьа ярж, нагахьа санна налогаш лушбарашта Российски Федераце Правительствос белгалдеш долча экономически къахьегама къаьстта тайпаш а Российски Федераце Правительствос оттаяьча критерешта жоп луш а хилча.».

Статья 2

Ер Закон низаца чIоагIденна болх бе долалу, ер официально кепатехача дийнахьа денз, пайда эц 2026 шера наджгоанцхой бетта 1 дийнахьа денз хьахиннача бокъон юкъ-моттигашка.

ГIалгIай Республика

          Мехкда                                       Келаматнаькъан М.М.

 г. Магас

2026 шера «8» ди маьтсела бетта

          № 22-рз