«ГIалгIай Республика доазон тIа легковой таксеца пассажираш  дIа-хьа кхувлари багаж дIа-хьа кхахьари  вIаштIехьдаккхар Iалашдарах долча» ГIалгIай Республика Закона 3 статье  хувцамаш  юкъедахьара хьакъехьа

ТIаийцад

ГIалгIай Республика 

Халкъа Гуллама                                2026 шера бекарга бетта 23 ди

Статья 1

«ГIалгIай Республика доазон тIа легковой таксеца пассажираш дIа-хьа кхувлари багажи дIа-хьа кхахьари вIаштIехьдаккхар Iалашдарах долча» 2023 шера  оагIой бетта 29 дийнахьарча №81-РЗ йолча ГIалгIай Республика Закона (интернет-газет «ГIалгIайче» (www.gazetaingush.ru), 2023 шера оагIой бетта 29 ди) 3 статье юкъехьо Iобелгалдаь хувцамаш: 

1) Iобелгалбаь чулоацам болча ворхIлагIча абзацаца тIатохар де:    

«бехкам оттабу аэропортий, аьшка машеннаькъий вокзалий а автовокзалий доазонашка легковой таксеца пассажираш дIа-хьа кхувлара, багаж дIа-хьа кхахьара услугаш ялара, цу тайпара услугаш ялара а (е) кепе ерзаяра а моттигаш ца лаьрхIача, аэропортий, аьшка машеннаькъий вокзалий а, автовокзалий доазонашка легковой таксеца пассажираш дIа-хьа кхувалараи багаж дIа-хьа яхьараи вIаштIехьдаккхара башхалонашца;»;

2) иштта ворхIлагIа абзац ше-ший аргIах бархIлагIа абзац лархIа.

Статья 2 

Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай Республика

Мехкда                                                               Келаматнаькъан М.М.  

   г. Магас

2026 шера   «8»ди маьтсела бетта

№ 24-рз