ГIалгIай Республика Закон №3-рз
ГIалгIай Республика цхьайолча законодательни акташта хувцамаш юкъедахьара хьакъехьа
ТIийцад
ГIалгIай Республика
Халкъа Гуллама 2024 шера наджгоанцхой бетта 25 ди
Статья 1
«Кхийна нийсбаланзабарий гIулакхаштеи цар бокъонаш лораяраи йолча комиссейх долча», 2008 шера кIимарса бетта 15 дийнахьарча №17-РЗ йолча ГIалгIай Республика Закона (газет «ГIалгIайче», 2008 шера кIимарса бетта 19 ди; Официальни бокъон хоама интернет-портал (www.pravo.gov.ru), 2017 шера оагIой бетта 20 ди; интернет-газет «ГIалгIайче» (www.gazetaingush.ru), 2020 шера тов бетта 18 ди; 2023 шера бекарга бетта 29 ди) 18 статьяй 3 даькъе хувцам юкъехьо, дешаш «Российски Федераце административни бокъонаш толхарах долча Кодексо оттаяьча аргIанца нийса» хувцаш, дешашца «ГIалгIай Республике доазон тIа къаьстта бокъонаш толхаярах хулача бехктокхамах долча», 2010 шера оагIой бетта 7 дийнахьарча, №60-РЗ йолча ГIалгIай Республика Законаца оттаяьча аргIанца нийса».
Статья 2
«ГIалгIай Республике доазон тIа къаьстта бокъонаш толхаярах хулача бехктокхамах долча», 2010 шера оагIой бетта 7 дийнахьарча, №60-РЗ йолча ГIалгIай Республика Закона (газета «Сердало», 2010 шера оагIой бетта 11 ди; газет «ГIалгIайче», 2011 шера аьтинга бетта 7 ди, ардара бетта 6 ди; 2012 шера тушола бетта 24 ди; 2013 шера тушола бетта 12 ди, оагIой бетта 7 ди; 2014 шера аьтинга бетта 7 ди; 2015 шера саькура бетта 5 ди; Официальни бокъон хоама интернет-портал (www.pravo.gov.ru), 2015 шера аьтинга бетта 1 ди, оагIой бетта 2 ди; газет «ГIалгIайче», 2016 шера лайчилла бетта 29 ди; Официальни бокъон хоама интернет-портал (www.pravo.gov.ru), 2016 оагIой бетта 29 ди; газет «Сердало», 2017 шера тушола бетта 7 ди; Официальни бокъон хоама интернет-портал (www.pravo.gov.ru), 2017 шера маьтсела бетта 29 ди, аьтинга бетта 6 ди, ардара бетта 31 ди, оагIой бетта 29 ди; интернет-газета «ГIалгIайче» (www.gazetaingush.ru), 2018 шера аьтинга бетта 13 ди; Официальный интернет-портал правовой информации (www.pravo.gov.ru), 2018 тов бетта 4 ди; 2019 шера бекарга бетта 29 ди; интернет-газета «ГIалгIайче» (www.gazetaingush.ru), 2020 шера аьтинга бетта 23 ди; аьтинга бетта 30 ди, оагIой бетта 18 ди, оагIой бетта 30 ди; 2021 шера тушола бетта 26 ди; Официальни бокъон хоама интернет-портал (www.pravo.gov.ru), 2023 шера наджагоанцхой бетта 13 ди; интернет-газет «ГIалгIайче» (www.gazetaingush.ru), 2023 шера кIимарса бетта 7 ди) юкъехьо Iобелгалдаь хувцамаш:
1) 7 статья Iобелгалъяьча редакце дIаязъе:
«Статья 7. Наггахьа мара доацача е дIадалар кхерам болча, ГIалгIай Республика ЦIеча книжка юкъедихьача дийнаташта, баьцовгIашта е кхыйолча организмашта а зулам дича, цу даькъе уж хIалакдар хилча
Наггахьа мара доацача е дIадалара кхерам болча, ГIалгIай Республика ЦIеча книжка юкъедихьача дийнаташта, баьцовгIашта е кхыйолча организмашта зулам дича, цу даькъе уж хIалакдар хилча, Российски Федераце ЦIеча книжка юкъедихьа дийнаташ, баьцовгIаш е кхыйола организмаш ца лаьрхIача, е цу тайпара даьрех (ца деш дитарех) дийнаташ, баьцовгIаш е кхыйола организмаш довр, цар дукхала таьрахь лаьгIдалар е уж тайпара дийнаташ, баьцовгIаш е кхыйола организмаш йовр, уж даха моттигаш толхайича е уж белгалдаь дийнаташ, баьцовгIаш е кхыйола организмаш хьадаьхача, лорадеш ухкадича, дIа-хьа дихьача, гулдича, доал деш леладича, Iалашдича, дехкача е белгалдаь дийнаташ, баьцовгIаш е кхыйола организмаш е цар продукташ, доакъош е дериваташ дIа-хьа дахьийтача, мукъа баларца оттадаь хьал толхадеш е кхыча тайпарча аргIанца дола хьал толхадича - административни гIод тох гражданашта цхьан бIаь туман боарамерча шин бIаь туман боараме кхаччалца; даржашкарча наха - бархI бIаь туман боарамера итт бIаь туман боараме кхаччалца; юридически лицашта – дезткъа бIаь туман боарамера бIаьзза бIаь туман боараме кхаччалца.»;
2) 189 статьяйна тIатохар де Iобелгалбаь чулоацам болча абзацаца:
«Оттаме бахьанаш а доацаш, кхийнаваланзаволчоа кхетам луш е дешаш волча органий а уж цига хиланза баргбоацаш боллаше а учрежденей викалаш, болх лушбараш, кхыбола нах кхийнабаланзабарий гIулакхех йолча комиссен кхетачене уж цига ца хилча баргбоацашше а ца боагIаш биссача, - шовзткъеи итт туман боарамера цхьан бIаь туман боараме кхаччалца.»;
3) 26 статьяй 1 даькъа 1 пункт Iобелгалъяьча редакце дIаязъе:
«1) ГIалгIай Республика Халкъа Гуллама комитетий председателаш - укх Закона 14, 141 и 142 статьяшца белгалъяьча административни бокъо толхаярашца;».
Статья 3
Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.
ГIалгIай Республика
Мехкда Келаматнаькъан М.М.
г. Магас
2024 шера саькура бетта «6» ди
№_4-рз
Электронни газета язле
(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я
Хьаязде