ГӀалгӀай къаман
юкъара газет

«ГIалгIай Республика моттигерча шедоалдара органашта а ГIалгIай Республика  паччахьалкхен Iаьдала органашта а юкъе паччахьалкхен доалахье къоастаянза долча лаьттай, юхадекъара полномочеш кердаяхара хьакъехьа долча», ГIалгIай Республика Закона 2 статье хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама     2024 шера бекарга бетта 23 ди

Статья 1

«ГIалгIай Республика моттигерча шедоалдара органашта а ГIалгIай Республика паччахьалкхен Iаьдала органашта а юкъе паччахьалкхен доалахье къоастаянза долча лаьттай, юхадекъара полномочеш кердаяхара  хьакъехьа долча», 2019 шера оагIой бетта 30 дийнахьарча, №56-РЗ йолча ГIалгIай Республика Закона (интернет-газет «ГIалгIайче», (www.gazetaingush.ru) 2019 шера оагIой бетта 30 ди) юкъехьо Iобелгалдаь хувцамаш:

«Лаьттан дакъа е лаьттан доакъош дола схемаш кийчъяра а дIачIоагIъяра а доазон кадастрови плана тIа, шоай доалахье паччахьалкхен доазув тоханза долча,  ер Закон низаца чIоагIдалалехьа дIаденнача лаьттан доакъой хьакъехьа кхоачо ю, предпринимательски къахьегама лаьрхIа мехкхоштеи юридически нахаи денна лаьттан доакъош ца лаьрхIача, моттигерча шедоалдара органаша болх беш долча законодательстваца нийса.». 

Статья 2

Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай  Республика

        Мехкда                                                            Келаматнаькъан М.М.                                            

    Закон №15-РЗ 

2024 шера маьтсела бетта 3 ди