ГӀалгӀай къаман
юкъара газет

«ГIалгIай Республика музейни фондах а ГIалгIай Республика  музеях а долча», ГIалгIай Республика Закона 1 а 9 а статьяшка хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама          2024 шера маьтсела бетта 30 ди

Статья 1

«ГIалгIай Республика музейни фондах а ГIалгIай Республика музеях а долча», 1999 шера бекарга бетта 11 дийнахьарча №11-РЗ йолча  ГIалгIай Республика Закона  (газет «ГIалгIайче», 1999 шера маьтсела бетта 1 ди; 2000 шера тов бетта 16 ди; газет «Сердало», 2002 шера кIимарса бетта 27 ди; 2006 шера тушола бетта 1 ди; газет «ГIалгIайче», 2007 шера оагIой бетта  11 ди; газет «Сердало», 2011 шера наджгоанцхой бетта 15 ди; газет «ГIалгIайче», 2012 шера лайчилла бетта  8 ди; Официальни бокъон хоама интернет-портал (www.pravo.gov.ru), 2018 шера ардара бетта 2 ди; интернет-газет «ГIалгIайче», (www.gazetaingush.ru) 2021 шера оаг1ой бетта 29 ди) юкъехьо Iобелгалдаь хувцамаш:

1) 1 статьяйна тIатохар де Iобелгалбаь чулоацам болча  абзацаца:

«Ер Закон дIа-хьа дарж, ГIалгIай Республика доазон тIа йолча а, керда хьаеш йолча а, музеяй а,  кхыйолча организацей а хьакъехьа, иштта шоай доалахьа е пайда эцаш музейни кечалаш а, музейни коллекцеш а, йолаш болча наьха хьакъехьа а.»;

2) 9 статьяйна тIатохар де Iобелгабаь чулоацам болча абзацаца:

«Культура даькъе кхоачашдара Iаьдала региональни органага музеяша, ГIалгIай Республика Музейни фонде юкъейихьа музейни кечалаш, ха йилла арахьа дIаяхьара чаккхе (мукъа балара документ) хьадехаш документаш чуделча, музеяшта культура даькъе кхоачашдара Iаьдала региональни органо, ГIалгIай Республика Музейни фонде юкъейихьа музейни кечалаш, ха йилла арахьа дIаяхьара чаккхе (мукъа балара документ) дIадалар могаду Паччахьалкхен каталоге гIолла.».

Статья 2

Ер Закон низаца чIоагIденна болх бе долалу ер, официально кепатехача дийнахьа денз.

ГIалгIай Республика

         Мехкда                                                        Келаматнаькъан   М.М. 

         г. Магас

2024 шера аьтинга бетта «13» ди

         № 28-РЗ