ГӀалгӀай къаман
юкъара газет

«ГIалгIай Республика  паччахьалкхен совгIатех долча» ГIалгIай Республика Закона   хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                             2024 шера тов бетта 26 ди

Статья 1

«ГIалгIай Республика  паччахьалкхен совгIатех долча» 1997 шера оагIой бетта 10 дийнахьарча №18-РЗ йолча ГIалгIай Республика Закона (газет «ГIалгIайче», 1997 шера оагIой бетта 27 ди; 2003 шера  бекарга бетта  26 ди; 2007 шера аьтинга бетта 16 ди; 2011 шера ардара бетта  6 ди; 2014 шера тушола бетта  31 ди, тов бетта 25 ди; Официальни бокъон хоама  интернет-портал (www.pravo.gov.ru), 2019 шера бекарга бетта  29 ди; интернет-газет «ГIалгIайче» (www.gazetaingush.ru), 2020 шера аьтинга бетта  30 ди; 2021 шера кIимарса бетта  6 ди; 2023 шера наджгоанцхой бетта 11 ди)  хувцам юкъехьо, 26 статья Iобелгалъяьча редакце дIа а язъеш:

«Статья 26

1. ГIалгIай Республике дIаоттаю Iобелгалъяь сийлен цIераш:

1) «ГIалгIай Республика сийлахьа гражданин»;

2) «ГIалгIай Республика халкъа артист»;

3) «ГIалгIай Республика халкъа  йоазанхо (поэт)»;

4) «ГIалгIай Республика халкъа суртанча»;

5) «ГIалгIай Республика гIорваьнна артист»;

6) «ГIалгIай Республика гIорваьнна лор»;

7) «ГIалгIай Республика искусствай гIорваьнна къахьегамхо»;

8) «ГIалгIай Республика гIорваьнна Iилман къахьегамхо»;

9) «ГIалгIай Республика гIорваьнна унахцIенолораяра болхло»; 

10) «ГIалгIай Республика культура гIорваьнна болхло»;

11) «ГIалгIай Республика мехкдаьтта а газа а промышленноста гIорваьнна болхло»;

12) «ГIалгIай Республика  бувзама  гIорваьнна болхло»;

13) «ГIалгIай Республика юртбоахама гIорваьнна болхло»;

14) «ГIалгIай Республика транспорта  гIорваьнна болхло»;

15) «ГIалгIай Республика физически культура гIорваьнна болхло»;

16) «ГIалгIай Республика гIорваьнна спасатель»;

17) «ГIалгIай Республика  гIорваьнна гIишлонхо»;

18) «ГIалгIай Республика  гIорваьнна хьехархо»;

19) «ГIалгIай Республика  гIорваьнна экономист»;

20) «ГIалгIай Республика  гIорваьнна энергетик»;

2I) «ГIалгIай Республика  гIорваьнна юрист»;

22) «ГIалгIай Республика  гIорваьнна журналист»;

23) «ГIалгIай Республика гIорваьнна изобретатель-рационализатор»;

24) «ГIалгIай Республика паччахьалкхен граждански служба  гIорваьнна болхло»;

25) «ГIалгIай Республика моттигерча шедоалдара органий гIорваьнна болхло».

2. ГIалгIай Республика сийлен цIерех йола положенеш дIачIоагIъю ГIалгIай Республика Мехкдас.».

Статья 2

Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай  Республика

           Мехкда                                                  Келаматнаькъан М.М.

           г. Магас

2024 шера   «11» октября 

        № 39-РЗ