ГӀалгӀай къаман
юкъара газет

«Физически культурахи спортахи» долча ГIалгIай Республика Закона хувцамаш  юкъедахьара хьакъехьа

ТIаийцад

    ГIалгIай Республика

Халкъа Гуллама                              2024 шера ардара бетта 31 ди

 Статья 1

«Физически культурахи спортахи» долча 1996 шера  маьтсела бетта  21 дийнахьарча №9-РЗ йолча ГIалгIай Республика Закона (газет «ГIалгIайче», 1996 шера маьцхалий бетта 3 ди; 2003 шера ардара бетта 30 ди; газет «Сердало», 2011 шера бекарга бетта 9 ди; газет «ГIалгIайче»,  2011 шера оагIой бетта 8 ди; 2013 шера бекарга бетта 13 ди; 2014 шера саькура бетта  6 ди,  маьтсела бетта 6 ди; 2015 шера саькура бетта 5 ди; Официальни бокъон хоама интернет-портал (www.pravo.gov.ru), 2015 шера оагIой бетта 14 ди; 2016 шера аьтинга бетта 2 ди; 2017 шера маьтсела бетта 2 ди; 2018 шера тов бетта 4 ди; интернет-газет «ГIалгIайче» (www.gazetaingush.ru), 2019 шера оагIой бетта 2 ди; 2021 шера кIимарса бетта 6 ди; 2023 шера бекарга бетта 10 ди) юкъехьо Iобелгалдаь хувцамаш:

1) 3 статье:

а) 1 даькъа 42  пункт Iобелгалъяьча редакце дIаязъе:

«42) массанега кхоача спорт тIакхоаче хилара а спорта лакхехьара толамаш дахара а кхоачо яр»;»;

б)   2 даькъа тIатохар де Iобелгалбаь чулоацам болча 7 пунктаца:

«7) тIема-прикладнои служебно-прикладнои спорта тайпаш дегIакхувлара га-лоадам бар.»;

2) 13 статье:

а) 1 даькъа тIатохар де дешашца «, шоай лоIамах занятеш вIаштIехьаяьха а (е) физкультурни мероприятеши спортивни яхьаши дIаяхьара аьттув балар, (цу даькъе езаш йола спортивни яхьаш а йолаш).»; 

 б)  тIатохар де Iобелгалбаь чулоацам болча 41 даькъаца:

«41. Болхлушбарий бокъо я балха тIа  физкультурно-спортивни клубаш дегIакхувлара га-лоадам бе, иштта болхлоша  физкультурни мероприятешка а (е) спортивни яхьашка дакъа лацара, болхлой  хадданза физически культураца а спортаца а къахьегаш хургболаш, цар унахцIена вахара куцаш лораде лоIам кхоачашбе ловргдолаш.»;

3) тIатохар де Iобелгалбаь чулоацам болча 131 статьяйца:

«Статья 131. Бераш жеррахьа физически дегIакхувлара центраш

1. Бераш жеррахьа физически дегIакхувлара центраш я «Российски Федераце дешарах долча» 2012 шера оаг1ой бетта 29 дийнахьарча                          №273-ФЗ йолча Федеральни  закона 84 статьяй  21 даькъе белгал ма дарра, дешара къахьегам дIахьоча дешара организацеша берашта физически кхетам балара а физически кийчо яра а, физически культураи спортеи даькъе эшараш Iомаде, бераш физически куц долаш кхедара, берашта физически унахцIена вахара эздела боарамаш Iомаде, цар могашал лораеи  тоаеи укх статьяй 4 даькъаца белгалъяьча башхалонашца нийса.

2. Бераш жеррахьа физически дегIакхувлара центраш декхарийла я:

1) бераш  физически куц долаш кхедара, бераш физически кийчдеш, цар яьннача хана а индивидуальни белгалоний а терко еш;

2) берий маькарлоний мах хоадабеш къаьсттача спорта тайпашца къахьегара  мероприятеш дIаяхьар;

3) физически культураи спортаи, иштта унахцIена вахара куцаш лорадара пропаганда яра  мероприятеш дIаяхьа;

4) Российски Федераце законодательствоца нийса кхыдола  декхараш кхоачашде;

3. Бераш жеррахьа физически дегIакхувлара центрий бокъо я:

1) физкультурни мероприятеш (е) спортивни мероприятеш вIаштIехьаяха а дIаяхьа а;

2)  ГТО комплекса яхьаш (тесташ)  кхоачашъяра берашта кийчо елга;

3) Российски Федераце законодательствоца нийса кхыйола  бокъонаш кхоачашъе.

4. Бераш жеррахьа физически дегIакхувлара центрий къахьегама башхало белгалъю, физически культураи спортеи даькъе йолча кхоачашдара Iаьдала федеральни органо, юкъарча дешара паччахьалкхен политика а, боарама бокъон дIа-хьа нийсъяра а, кхоачашдара Iаьдала федеральни органаца а унахцIено лораяра даькъе йолча паччахьалкхен политика вIашагI а йоллаш кхоачашъяра йолча кхоачашдара Iаьдала федеральни органаца а барт бий. 

5. Бераш жеррахьа физически дегIакхувлара центрашта  га-лоадам бар могаду, кхоачашдара Iаьдала федеральни органаша, ГIалгIай Республика кхоачашдара Iаьдала органаша, моттигерча шедоалдара органаша укх куцашца:

1)  спорта фусамаш, гIишлош, объекташ хьалъеш, реконструкци еш, тоаеш;

2) Российски Федераце, ГIалгIай Республика е муниципальни   доалахьара спорта фусамаш, гIишлош, объекташ бекхамза е йIаьххача хана льготни боараме арендах дIаялар;

3)  спортивни кхоачам, кечалаши гIирсаши дIадалар;

4) кхоашашдара Iаьдала федеральни органий бакъон акташца, ГIалгIай Республика паччахьалкхен Iаьдала органий боарама бокъон акташца е муниципальни бокъон  акташца белгалъяьча моттигашка а хьалашка а кхыдола  новкъостал дар.»; 

4) тIатохар де Iобелгалбаь чулоацам болча  152  статьяйца:

«Статья 152. Езаш йолча спорта даькъе бола къахьегам дIа-хьа  нийсбар

 1. Езаш йола спортивни яхьаш дIахьошбарий бокъо я, цу яхьашка дакъа лоацача ханачухь Российски Федераце вIашагIтехача спорта команда доакъашхой списка юкъебихьараш а (е) ГIалгIай Республика вIашагIтехача спорта команда доакъашхой списка юкъебихьараш, иштта цига дакъа лоацача ханачухь профессиональни спортивни яхьий доакъашхоша цига дакъа лацара  бехкамаш оттаде.

2. Езаш йола спортивни лигаш бокъо йолаш я регионашта юкъера, ерригроссийски а дуненхалкъашта юкъера а физкультурни мероприятеш, спортивни мероприятеш дIаяхьара ЦаI йола календарни план, иштта  ГIалгIай Республика муниципальни образованей физкультурни мероприятеш, спортивни мероприятеш дIаяхьара календарни планаш оттаеча дакъа лаца.

3. Федеральни кхоачашдара Iаьдала  органашта, ГIалгIай Республика  кхоачашдара Iаьдала  органашта, моттигера шедоалдара органашта могаду, езаш йола спортивни яхьаш дIахьошбарашта, Российски Федераце е ГIалгIай Республика е муниципальни доалахьара спорта фусамаш, гIишлош, обьекташ бекхамза е йIаьххача хана льготни боараме арендах дIаялар, езаш йола спортивни яхьаш вIаштIехьаяхара а дIаяхьара а декхарашта.»;

5)  171  статье 1 даькъе:

а) 1 пункте дешаш «кубкаш а» хувца                                                   «, кубкаши езаш йола чемпионаташи», дешашта «кубкаш йолчар» тIехьа тIатоха дешаш «езаш йола чемпионаташка котало яьккхараш а»;

б) тIатохар де Iобелгалбаь чулоацам болча 41 – 43   пункташца:

«41) тIахьежараш – дIа-хьа нийсъераш кийчбар; 

42) паччахьалкхен аккредитаци дIататтари  региональни спортивни федераце куц долаш дIахьош бола къахьегам соцабари;

43) аргIа йолча спорта тайпан е тайпай юкъарароссийски спортивни  федераце публично-бокъон компане «Шовкъе долча ловзарий цаI йола  регулятор» цIи йолча компане хоам дIабахьийта  спортсменаша, спортивни судхоша, тренераша, спортивни командай кулгалхоша, официальни спортивни яхьий кхыболча доакъашхоша, спортивни агенташа букмекерски конторашка а тотализаторашка а ланаш дехкаш, официальни спортивни яхьех, аргIа йолча региональни спортивни федерацено дIахьоча яхьий тайпах е тайпаех официальни спортивни яхьий чаккхенашта бокъон духьалара Iоткъам хургбоацаш (официальни спортивни яхьех хетараш ца хилийтара) цунца къовсам лоаттабе а;».

  Статья 2

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай  Республика

          Мехкда                                                 Келаматнаькъан М.М.

     г. Магас

2024 шера «15» ди лайчилла бетта

           № 41-РЗ