ГӀалгӀай къаман
юкъара газет

«ГӀалгӀай Республикерча дешарах долча» ГӀалгӀай Республика Закона хувцамаш юкъедахьара хьакъехьа

ТӀаийцад

ГӀалгӀай Республика

Халкъа Гуллама                                    2024 шера ардара бетта 31 ди

Статья 1

«ГӀалгӀай Республикерча дешарах долча» 2014 шера саькура бетта              3 дийнахьарча №5-РЗ йолча ГӀалгӀай Республика Закона (газет «ГӀалгӀайче», 2014 шера саькура бетта 6 ди; 2015 шера саькура бетта  5 ди; Официальни бокъон хоама интернет-портал (www.pravo.gov.ru), 2015 шера оагӀой бетта 14 ди; 2016 шера аьтинга бетта 2 ди,  оагӀой бетта 29 ди; 2018 шера тов бетта 4 ди; 2019 шера  кӀимарса бетта 4 ди; интернет-газет «ГӀалгӀайче» (www.gazetaӀngush.ru), 2020 шера тов бетта  18 ди; 2021 шера аьтинга бетта 2 ди; Официальни бокъон хоама интернет-портал  (www.pravo.gov.ru), 2021 шера тов бетта 30 ди; интернет-газет «ГӀалгӀайче» (www.gazetaӀngush.ru), 2022 шера тушола бетта  5 ди, бекарга бетта 29 ди; Официальни бокъон хоама интернет-портал  (www.pravo.gov.ru), 2022 шера кӀимарса бетта 15 ди; 2023 шера саькура бетта 2 ди; интернет-газет «ГӀалгӀайче» (www.gazetaӀngush.ru), 2023 шера оагӀой бетта 6 ди)  юкъехьо Ӏобелгалдаь хувцамаш: 

1) 13 статье:

а) 3 даькъе дешаш  «мах хоадабар» хувца дешашца «мах хоадабара мероприятеш»;

        б)  тӀатохар де Ӏобелгалбаь чулоацам болча  31 и 32 доакъошца:

«31. Дешара дикал белгалъеча, дешара система мониторинг яра дӀахьоча мероприятешца я региональни, къамани дуненхалкъашта юкъереи юкъарча дешара  дикала вӀаши йистара тохкамаш, иштта кхыйола, дешара  дикала мах хоадабара мероприятеш, шоай перечени дӀаяхьара аргӀеи  (региональни яраш ца лаьрхӀача) белгалъю Российски Федераце Правительствос.

32. Юкъарча дешара дикал белгалъеш региональни вӀаши дистара тохкамаш дӀахьу ГӀалгӀай Республика дешара даькъе паччахьалкхен урхалдара паччахьалкхен Ӏаьдала органа соцамах. Региональни вӀаши йистара тохкамий перечень белгалъю ГӀалгӀай Республика дешара даькъе паччахьалкхен урхалдара паччахьалкхен Ӏаьдала органо, дешара хьакъехьа тӀахьожам лоаттабара а бӀаргаӀунал дара а йолча кхоачашдара Ӏаьдала федеральни органаца барта а дихьа. Юкъарча дешара дикала региональни вӀаши йистара тохкамий чаккхенаш дӀалархӀар могаду дешара хьакъехьа тӀахьожам лоаттабара а бӀаргаӀунал дара а йолча кхоачашдара Ӏаьдала федеральни органо, дешара дикала мах хоадабара мероприятеш дӀахьоча хана, цар перечень дӀачӀоагӀъю Российски Федераце Правительствос, укх статьяй 31  даькъаца нийса, дешара хьакъехьа тӀахьожам лоаттабара а бӀаргаӀунал дара а йолча кхоачашдара Ӏаьдала федеральни органо оттаяьча аргӀанца нийса.»;

    2) тӀатохар де Ӏобелгалбаь чулоацам болча 141 статьяйца:

«Статья 141. Деша багӀарашта, педагогически болхлошта, дешара организацей кулгалхошта социальни новкъостал (га-лоадам) дарахи кхыбола социальни тешам баларахи, гражданаш деша багӀарий категорейх хиларахи кхоачо яр

1. Паччахьалкхен «ЦаӀ йолча социальни сфере цифровой платформе» чуоттабу:

          1) деша багӀарашта, педагогически болхлошта а дешара организацей кулгалхошта а социальни 1алашон тешам баларах (га лоадам барах) а кхыча тайпара социальни тешам балара а  бола хоам, укх законаца нийса;

          2) гражданаш деша багӀарий, юкъара дешара керттерча программайх е юкъера профессиональни дешара программайх дешаш болчар  категорех лархӀарах дола сведенеш.

          2. Укх статьяй 1 даькъе белгалбаь хоами сведенеши паччахьалкхен «ЦаӀ йолча социальни сфере цифровой платформе» чуоттадари уж белгалъяьча паччахьалкхен хоам бара системера хьаэцари кхоачашду «ЦаӀ йолча социальни сфере цифровой платформах» йолча «Паччахьалкхен социальни новкъосталах долча» 1999 шера кӀимарса бетта 17 дийнахьарча №178-ФЗ йолча Федеральни закона 612 статьяйца нийса йолча арг1ахи хан-йовкъашкеи, Российски Федераце Правительствос дӀачӀоагӀъеча положенеца  нийса.

3) 17 статья Ӏобелгалъяьча редакце дӀаязъе:

    «Статья 17. Целевой дешар Ӏомадар

1. Юкъера е лакхера профессиональни дешара программах деша отташ волча е аргӀа йолча программах дешаш волча гражданина бокъо я федеральни паччахьалккхен органаца, ГӀалгӀай Республика паччахьалкхен Ӏаьдала органаца, моттигерча шедоалдара органаца, юридически лицоца е  индивидуальни предпринимателаца (дӀахо – целевой дешара заказчик)  целевой дешар Ӏомадарах дола договор оттаде. 

2.  Целевой дешара заказчик хинна отта йиш яц «Америка ВӀашагӀтехача Штатий, кхыйолча кхыча паччахьалкхений а доттагӀлен доацараш леладара Ӏоткъам барах (духьале ярах) долча» 2018 шера аьтинга бетта 4 дийнахьарча №127-ФЗ йолча Федеральни закона 1 статьяй 2 даькъе белгалбаь нах а иштта Российски Федераце законодательстваца нийса кхыча паччахьалкхений агенташ лаьрхӀа бола нах а.

3.  Целевой дешарах долча договора оттаме йолча условешца да:

1)  целевой дешара заказчика декхараш:

а) целевой дешар Ӏомадарах договор оттадаьча гражданина, из деша вагӀача ханачухь цунна новкъостал дар (е) дӀадалар леладар, цу юкъе рузкъан новкъостал дар, профессиональни а дешара программайл арахьара совнагӀа дола а  дешар Ӏомадарах мах балар, из дешаш волча юкъа пайда эца фусам ялар  (е) цу фусамах мах балар  (е) кхыдар а;

б) целевой дешар Ӏомадарах договор оттадаь гражданин балха дӀаоттавар, цо Ӏомаяьча квалификацех, целевой дешар Ӏомадарах договор оттаяьча хан-юкъал тӀехьа ца доаккхаш, Ӏомаяьча квалификацех къахьегара моттиг белгал а йоаккхаш. Нагахьа санна целевой дешар Ӏомадара заказчик федеральни паччахьалкхен орган, ГӀалгӀай Республика паччахьалкхен Ӏаьдала орган, моттигерча шедоалдара орган е гражданин балха дӀаоттаваь  организаци яле, целевой дешар Ӏомадарах  долча договораца нийса,  «Российски Федераце промышленни политиках долча» 2014 шера оагӀой бетта 31 дийнахьарча №488-ФЗ Федеральни закона 21 статьяй 2 даькъаца нийса вӀашагӀъеллача оборонно-промышленни комплекса организацей сводни реестре чуйихьа яле, гражданин балха дӀаоттаваьча организаце къахьегара моттигах долча сведенешца хила йиш я духхьала гражданин балха оттаваьча организацен къахьегама керттерча куцех а вӀашагӀйоллара-бокъон  кепах а дола сведенеш, целевой дешар Ӏомадарах долча договораца нийса, иштта цу тайпара юридически лицо волча Российски Федераце субъектах дола бакъдараш; 

2) целевой дешар Ӏомадарах договор оттадаьча гражданина декхараш:

а) целевой дешар Ӏомадарах долча договора тӀа белгалъяь керттера дешара программа кхоачашъярах, (дешара программаш (е) дешара кеп  хувца аьттув а болаш, (дешара заказчикаца барт а баь);

б) целевой дешар Ӏомадарах долча договора тӀа белгалъяьча моттиге  кхаь шерал кӀезигах а доацаш пхе шерал совнагӀа а доацаш, ше Ӏомаяьча квалификацеца нийса балха оттара, цу тайпарча договораца оттаяьча  хан-юкъа.

4.  Целевой дешар Ӏомадарах долча договораца белгалдар могаду  укх тайпара дола хьалаш:

1) гражданино практически кийчо елга дӀадахьарах, целевой дешар Ӏомадара заказчик волча е гражданин балха оттавергволча организаце  целевой дешар Ӏомадарах долча договораца а гражданин заказчика е гражданин балха оттавергволча организацен викало индивидуальни  новкъостал дергхиларах, целевой дешар Ӏомадарах долча договораца нийса (хьехамчас);

2) шийца целевой дешар Ӏомадарах дола договор оттадаь  гражданин Ӏомаваларах долча дӀадехарех а целевой дешар Ӏомадарах заказчика гражданина шийгара дӀадехараш кхоачаш ца дарах а новкъостал делга  кӀезигде тардалар.

5. Целевой дешар Ӏомадарах долча договора оагӀонаша укх статьяй 4 даькъаца белгал ма дарра, гражданинаца а заказчикаца а цхьана дешара къахьегам дӀахьош йола организаци а я, цу тайпара хила тарлу целевой дешар Ӏомадарах долча договораца нийса гражданин балха оттавергвола организаци а. Цу тайпарча целевой дешар Ӏомадарах долча договоро белгалду декхараш:

1) дешара къахьегам кхоачашбу организацеш:

а) целевой дешар Ӏомадарах долча договораца нийса белгалъяьча моттигашка гражданин  практически  кийчвича;

б) целевой дешар Ӏомадара заказчика лоӀамах, гражданина дешара программа кхоачашъяра чаккхенашца, юкъе юкъ йола а чаккхен а аттестацех чакхвалара чаккхенех дола сведенеш д1адалар;

2) целевой дешар Ӏомадара заказчика е гражданин балха оттавергволча организацен лоӀамах, целевой дешар Ӏомадара договораца нийса, шийца целевой дешар Ӏомадарах а целевой дешар Ӏомадарах договораца белгалъяьча моттигашка практически кийчо ергхиларах договор оттадаь волча гражданина, цу даькъе цунна целевой дешар Ӏомадара заказчика е гражданин целевой дешар Ӏомадара договораца нийса балха оттавергволча организацен викала (хьехамчас)  индивидуальни новкъостал дергдолаш;

3) целевой дешар Ӏомадара договор оттадаьча гражданинага, цо целевой дешарах заказчика дӀадехараш  кхоачаш ца дарах, новкъостал дар кӀезигдарах  хоам дӀабара, дешар кхетаме Ӏомадарца тардича.

6. Нагахьа санна целевой дешар Ӏомадара заказчика иштта дешарах, юкъера профессиональни а лакхера а дешара программайх гражданина дешар Ӏомадарах мах дӀалуш хилча, целевой дешар Ӏомадарах долча договораца белгалде мегаргда, мах луш дешара услугаш яларах, Федеральни закона 54 статьяйца нийса.

7. Целевой дешар Ӏомадара заказчика «Россе болх» къахьегареи балхеи целевой Ӏомавалареи ЦаӀ йолча цифровой платформе чуоттабу договор е договораш оттадарах бола хоам, цунца хила деза: 

1) Ӏомаеча квалификацеца нийса къахьегамах, гражданина целевой дешарах долча договораца нийса, укх статьяй 3 даькъа 1 пункта «б» подпунктаца нийса дӀадехарий терко еш къахьегам дӀахьоргболча моттигах дола сведенеш; 

2) дешара къахьегам  дӀахьоча, цига целевой дешар Ӏомадар хила дезача организацейх а профессейх, говзалех, кийчон наькъех, Ӏилман говзалех дола сведенеш, белгалъяьча хӀара организацен целевой дешар Ӏомадар хила дезача;

3) укх статьяй 3 даькъа 1 пункта «а» подпунктаца нийса белгалдаь  сведенеш, иштта Российски Федераце законодательстваца, ГӀалг1ай Республика законашца, кхыйолча боарама бокъон акташца,  муниципальни боарама бокъон акташца кхоачашдергдолаш оттадаьча социальни новкъосталах, кхыдолча социальни тешам баларах, ахчаш даларах дола сведенеш, заявка тӀа белгалъяьча моттиге къахьегаш болча гражданашта;

4) целевой дешарах дола договор оттадеча гражданашкара,  целевой дешар Ӏомадара заказчика дӀадехарех дола сведенеш, къахьегам дӀа-хьа нийсбара башхалонашца дувзаденна, къахьегама законодательстваца, къахьегамца бувзам болча бокъон боарама акташца белгал ма дарра. Целевой дешар Ӏомадара заказчика, шоашца дешар Ӏомадарах целевой договор оттадаьча гражданашкара дӀадехарий перечень белгалъю Российски Федераце Правительствос, цунца хила йиш яц укх Законаца нийса дӀалоархӀа дешара толамаш дахарах дола дӀадехараш, юкъера профессиональни а лакхера а дешара программайх дешар  Ӏомаде дӀаэцаш хилча, иштта дешара боарамах квалификационни дӀадехараш а долаш;

5) шийца целевой дешар Ӏомадарах договор оттадаьча гражданина, цо дешара программа Ӏомаеча хана, юкъера профессиональни а лакхера а дешара программайх гражданин дешаш волаш, целевой дешар Ӏомадара заказчика  социальни новкъостал дар лаьгӀдар гражданина уж дӀадехараш кхоачаш ца дича;

6) целевой дешар Ӏомадара заказчика, целевой дешар Ӏомадара договораш оттадара  бехктокхаме болча нахаца бувзамаш хилар. 

8. Целевой дешар Ӏомадарах заказчика «Россе болх» къахьегареи балхеи целевой Ӏомавалареи ЦаӀ йолча цифровой платформе чуоттабу, договор е договораш оттадарах бола хоам, федеральни законо тӀакхачара бехкам оттабаь бола хоам мел боацар.

9. Целевой дешар Ӏомадарах дола договор оттаде лоӀам болча гражданина, юкъера профессиональни а лакхера а дешара программайх дешар  Ӏомаде дӀаэцаш волча хана е юхьдуххьал дешаш волча хана заявка ялар могаду.

10. Укх статьяй 9 даькъе белгалъяь заявка, деша дӀаоттача хана  дӀалу каьхата е электронни кепе, дешаш волча хана заявка дӀалу каьхата кепе.

11. Укх статьяй 9 даькъе белгалъяь заявка каьхата кепе дӀаелча, гражданина ше тохк, целевой дешар Ӏомадара заказчика «Россе болх» яхача къахьегареи балхеи целевой Ӏомавалареи ЦаӀ йолча цифровой платформе чуоттабаь, целевой дешарах дола договор е договораш  оттадарах бола хоам, ше юхьдуххьал тӀавода целевой дешар Ӏомадара заказчика е целевой дешар вӀаштӀехьдаьккхача дешара къахьегам дӀахьоча организацене. Электронни кепе укх статьяй 9 даькъе белгалъяь заявка дӀалу «Паччахьалкхен а муниципальни а  услугий (функцей) ЦаӀ йола портал» (дӀахо - паччахьалкхен а муниципальни а  услугий  цаӀ йола портал) яхача федеральни паччахьалкхен хоам бара система кара гӀолла, деша дӀаэцарах йолча заявленеца цхьана. Гражданина ше дӀалу заказчика, целевой дешар 1омадарах договор оттадаьча гражданашкара д1адехарашта нийса хилар бакъдеш дола  сведенеш.

12. Деша дӀаэцача хана целевой дешар Ӏомадарах дола договор оттаду, гражданин деша дӀаэцарах йола кхоачон амалта акт тӀаийцачул тӀехьагӀа, цхьабакъда дешара шу долалуча ханал тӀехьа а ца доаккхаш. Деша дӀаэцача хана целевой дешар Ӏомадарах дола договор оттаду гражданинаца, целевой дешара заказчика гражданашкара дӀадехаршца нийса болча, царца договораш а оттадар могадеча, уж деша дӀаийцача,  Федеральни  закона  55 статьяй  8 даькъаца нийса йолча, деша дӀаэцара аргӀанца нийса. Целевой деша дӀаэцарах гражданинаца договор оттаду, лакхехьарча дешара программах федеральни бюджета  ассигнованейх, Российски Федераце субъекта е моттигерча  бюджета ахчаех, оттаяьча квота боараме оттаду, Федеральни закона 71 стаьяйца оттаяьча башхалоний терко а еш. 

13. Дешаш волча хана целевой дешар Ӏомадарах дола договор оттаду, целевой дешара заказчико белгалъяьча хан-йовкъашка, целевой дешар Ӏомадарах дола договор оттаду гражданинаца, целевой дешар Ӏомадарах заказчико гражданашца целевой дешар Ӏомадарах дола договор оттадар могадеш долча дӀадехарашца нийса.

14. Юкъера профессиональни а лакхера а дешара программайх, гражданин деша отташ е дешаш волаш, гражданина заказчикаца целевой дешар Ӏомадарах дола договор цхьан заказчикаца мара оттадац.

15. Нагахьа санна целевой дешар Ӏомадарах долча договоро белгалдаь, гражданин балха оттаварах дола декхараш заказчико кхоачаш ца дича, е цхьан оагӀорахьара шийгара цо из дохадича, целевой дешара заказчико гражданина компенсаци лу, целевой дешар Ӏомадарах долча договораца нийса, Российски Федераце субъекта доазон тӀа оттадаьча, бетта юкъерча боараме долаш яздаьча алапен кхаь боараме, из балха оттаве везаш хиннача, дешар Ӏомадар дӀаийцача (дешар чакхдаьнна хиларца) бахьан долаш из дешара къахьегам дӀахьоча организацера дӀаваьккхача денга белгалдаьча тайпара. Нагахьа санна гражданина целевой дешар Ӏомадарах долча договораца белгалдаьча тайпара новкъостал дар кхоачаш ца дича, гражданина бокъо я целевой дешарах дола договор дохаде.

16. Нагахьа санна целевой дешар Ӏомадарах долча договораца  оттадаьча гражданина, дешара программа а (е) целевой дешар Ӏомадарах долча договораца оттаяьча хан-юкъа къахьегам кхоачаш ца бича, е целевой дешар Ӏомадарах дола договор шийгара цхьан оагӀорахьара дохадича гражданин декхарийла ва, целевой дешар Ӏомадарах заказчика, гражданина  новкъостал дарах хинна зе меттаоттаде.

17. Целевой дешарах йола положени, цу даькъе шийца целевой дешарах дола договор оттадара а дӀадаккхара а аргӀа, шоашца целевой дешарах дола договораш оттадеча гражданашкара, целевой дешара заказчикаша дӀадеха тарлургдола дӀадехараш, къахьега моттиг белгалъяра а хувцара а хьалаш, оагӀонаша целевой дешарах долча договораца тӀаийца декхараш кхоачаш ца деш  дитарах, целевой дешара договор «Россе болх» къахьегареи балхеи целевой Ӏомавалареи ЦаӀ йолча цифровой платформе чуоттабара  аргӀеи хан - йовкъаши договор оттадарах бола хоам, нагахьа санна целевой дешарах дола договор кхоачаш ца дара моттигаш хилча,  компенсаци далар, расходий боарам а уж меттаоттадара аргӀа а, целевой дешарах долча договора типовой кеп, целевой дешарах дола договор е договораш оттадарах хетарий кеп, целевой дешарах дола договор оттадарах йолча заявка кеп, целевой дешара договор е договораш оттадара аргӀеи хан-йовкъаши «Россе болх» къахьегареи балхеи целевой Ӏомавалареи договор оттадара цаӀ йолча паччахьалкхен а муниципальни а услугий цифровой платформе кара гӀолла мукъа балар аргӀа  а цун чулоацама    аргӀа дӀаоттаю  Российски Федераце Правительствос.

18. Целевой дешар Ӏомадарах дола договор оттадара башхалонаш, цун оагӀув федеральни паччахьалкхен орган, ГӀалгӀай Республика паччахьалкхен Ӏаьдала орган, моттигерча шедоаладара орган, е аргӀа йолча органа доала кӀала йола организаци  хилча, цунца дешар дийша ваьлча паччахьалкхен е муниципальни службе хургхиларах, целевой дешар Ӏомадарах дола договор оттадаьча гражданина тӀаийца декхар, белгалду паччахьалкхен служба тайпаех долча федеральни законашца е муниципальни службах долча законодательствоца оттаяьча аргӀанца нийса.

19. «Россе болх» къахьегареи балхеи целевой Ӏомавалареи ЦаӀ йолча цифровой платформе чуоттабарах дола, целевой дешар Ӏомадарах дола договор е целевой дешарах дола договораш оттадара хетараш белгалдарах дола, заказчика декхараш дӀа-хьа даржац, паччахьалкхен кхерамзлен лоӀамашта целевой дешар Ӏомаде дӀаэцара хьакъехьа, нагахьа санна целевой дешара заказчикаш Федеральни  закона 81 статьяй 1 даькъе белгалъяь органаш хилча, Российски Федераце паччахьалкхен Ӏаьдала лакхехьарча органашта рузкъан-технически, финансови, кхоачо еш йола кхоачашдара Ӏаьдала федеральни орган а цун доала кӀала йола организацеш а хилча.».

         Статья 2

Ер Закон низаца чӀоагӀденна болх бе долалу, ер официально кепатехача дийнахьа денз.

ГӀалгӀай  Республика

          Мехкда                                                 Келаматнаькъан М.М.

   г. Магас

2024 шера   «15» ди лайчилла бетта

        №43-РЗ