ГӀалгӀай къаман
юкъара газет

ГIалгIай Республика паччахьалкхен Iаьдала органашка даржашка болча наха, шоашка кхычар коррупционни бокъонаш толхаяра аьттув лохаш алараш дича, цу хьакъехьа хоам бара аргIан хьакъехьа

ТIаийцад

ГIалгIай Республика Халкъа Гуллама                 2023 шера ардара бетта 26 ди

Статья 1

Укх законо «Коррупцена духьале ярах долча», 2008 шера оаг1ой бетта 25 дийнахьарча, №273-Р3 йолча Федеральни закона 4.1-1 статьяй 12.1 даькъаца нийса дIаоттаю, ГIалгIай Республика паччахьалкхен Iаьдала органашка, прокуратура органашка е кхыйолча паччахьалкхен Iаьдала органашка даржашка болча наха, моллагIча наха шоашка уж коррупционни бокъонаш толхаяра тIахьехаш хиларах массе а моттигех аргIа дIаоттаю.

Статья 2

1. Коррупционни бокъонаш толхаярах бола, шоашка кхаьча хоам дIабар (дIахо – хоам), ГIалгIай Республика паччахьалкхен даржашка болча наьха даржа декхараш да, нагахьа санна цу тайпарча бакъдарий хьакъехьа прокуратура органаша е кхыйолча паччахьалкхен органаша тохкам дIабихьа е дIахьош хилар ца лаьрхIача.

2. Хоам дIабохьийт прокуратура органашка е паччахьалкхен кхыйолча органашка йоазон кепе болаш, аргIа йола хоам кхаьчача дийнахьа денз, пхе денал тIехьа а ца доаккхаш.

Уведомленех дIатох ГIалгIай Республика паччахьалкхен дарже волча сагага йола, коррупционни бокъо толхаяра из тахьехар бакъдеш йола материалаш.

3. Хоамаца дIалу Iобелгалдаь сведенеш:

1) тайпан цIи, цIи, даь цIи (тIеххьараяр-нагахьа санна хилча);

2) цунгара дарж;

3) паччахьалкхен органа цIи;

4) ГIалгIай Республика паччахьалкхен дарже вола саг (бола нах) коррупционни бокъо толхаяра тIахьехачох (тIахьийхарех) бола хоам;

5) ГIалгIай Республика паччахьалкхен дарже вола саг коррупционни бокъонаш толхаяра тIахьехара моттигах, ханахи кхыдолча хьалехи бола хоам балар;

6) ГIалгIай Республика паччахьалкхен дарже волча саго, цу хоамах де дезаш даьрех (кхоачаш ца деш дитарех) бола хоам;

7) ГIалгIай Республика паччахьалкхен дарже волча саго (наха), коррупционни бокъонаш толхаярах аьннараш кхоачаш ца деш духьале ярах бола хоам;

8) вIашагIкхетарах барт баь хиннараш, дIахо йолча ханачухь вIашагIкхетарахи цар даьрехи бола хоам хилар (ца хилар);

9) ГIалгIай Республика паччахьалкхен дарже волча саго ше кулг яздар, хоам оттабаь ха а моттиг а белгалъеш.

Статья 3

ГIалгIай Республика паччахьалкхен даржашка болча, шоашка коррупционни бокъонаш толхаярах дераш де аларах, е кхыболча паччахьалкхен даржашка болча наха, паччахьалкхен е муниципальни даржашка болча наха коррупционни бокъонаш толхаярах бола хоам оттабича, прокуратура органаш, е кхыйола паччахьалкхен органаш паччахьалкхено лораеш я, Российски Федераце законодательствоца нийса.

Статья 4

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкда                                      Келаматнаькъан М.М.

2023 шера «2» ди лайчилла бетта

№ 74-рз