ГIалгIайчен ветераний ЦIено ший материальни таронаш шеръергья
В Доме ветеранов в живописном селении Сурхахи в Ингушетии в следующем году начнутся работы по значительному расширению его материальной базы — увеличению приемных мест социального учреждения. К уже функционирующим восьмидесяти спальным местам прибавится еще полсотни. Об этом информировал Главу РИ Махмуда-Али Калиматова руководитель Минтруда региона Хаджибекир Муталиев, сообщили газете «Сердало» в пресс-службе Главы республики.
«ДIадахача шера ветераний ЦIенна нах чуэцара моттигаш 80-нега кхаччалца яьяр, цунна керда корпус хьалъяра бахьанах, бакъда, шоай унахцIено тоае укхаза хьаба безам барашка хьежача из кIезига я, цхьайолча хана 800 сагага кхоачаш аргIа хьакхачарга хьежаш нах хул цига. Цудухьа, хьатIадоагIача шера оаха цхьаькха корпус хьалъергъя», — аьлар Махьмуд-Iаьлас.
Цо белгалдир, цу тайпара социальни проекташ регионе хилар чIоагIа лоархIаме да, физически таронаш эшаенна болча наьха унахцIено меттаоттаяра.
Укхаза материальни а болх бара а база шеръяьчул тIехьагIа, болх беш бола говзанчаш а тIакхетаргба. Из доацаш а, геттара а лоархIаме да, боккхийча наха лорий гIулакхдара дикал а лакхагIа хургъя, цу юкъе боагIаш ба ха яьннараш, заIапхой, тIема бIухой, къахьегама ветеранаш, реабилитаци яь нах.
«Цхьа укхаза хиннараша юха а заявкаш чулуш моттигаш нийслу укхаза шоай унахцIено меттаоттае ловш. Социально-унахцIенон центре я лорий оборудовани физиотерапия дIаяхьара, укхаза иштта я ЛФК, терапевта кабинет, кардиолог, невропатолог», — аьлар МутаIаланаькъан Хьажбикара.
Ше болх беча шийтта шера СурхотIарча хьуна даькъ тIа латтача «Ветераний ЦIено» хьагойтад укхаза дарбадеш болча наха могашал тоаяра мел чIоагIа новкъостал хул. ДIадахача шера укхаза керда балха гIишло хьалйир, дIахо а цу тайпара нах чуэцара моттигаш тIатоха лерхIаш я.
