ГIалгIайчен «Магас» аэропорта тIабода никъ биъ оаса болаш хургба
ГIалгIай мехка хьатIадоагIача шера лаьрххIа йола транспорта наькъа оагIув хьалъергья Россе Хьалхарча Турпалхочун Осканаькъан С. цIерагIча халкъашта юкъерча аэропортага вугаш. Из хургба биъ оаса болаш.
Иштта беррига никъ кердабаккха лаьрхIад, цига керда асфальт Iобулларгба, кхыдола дехьара-сехьара тIадолхаш дола наькъаш дергда. Иштта тоаде лерхIаш да цу наькъ тIара тIий, гIашлой лела моттиг.
Наькъа кхерамзле керттерча даькъ тIа оттаеш я, наькъа гонахьа карт а, сердал а хургья, иштта гIашлошта дола наькъа такилг дергда.
ГIалгIай Республикан Кулгалхочун, Паччахьалкхен зарбан болх лелабераша яхачох, из никъ тоабар лоархIаме да, хIана аьлча из тIабодаш ба лоархIамеча моттигашта, берий беша, лорий сихача новкъостала станцена.
Бувца машиний никъ эггара тIехьа тоабаьбар 12 шу хьалха, цудухьа хIанз цу тIа лелаш йола машинаш дукхагIа хиларах, цул совгIа из аэропорта тIабодаш хиларах, массаболча новкъа лелача наха дика хьалаш хьакхолла деза», - аьлар ГIалгIайчун кулгалхочо.
Белгалду, из проект кхоачашъеш я республикан Кулгалхочо тIадиллача декхарах «ГIалгIай Республикан автомобильни наькъаш дегIадар» яхача паччахьалкхен программах. Балхаш йистедаргда 2028 шера.
