Путин В. тешам беннача викала кхетаче хилар Шолжерча ЦРБ лорашца
РФ президенталла кандидата Путин Владимира ГӀалгӀай Республике гӀолла викал ваьча Мартазанаькъан Мусай кхетаче хилар, Шолжерча ЦРБ болхлошца, аьлар «ЦаӀ йолча Россе» зарбан болх лелабераша.
Кхетаче дӀахьош, Мартазанаькъан Мусас дийцар «УнахцӀено» яха йоккха къаман программа хилар бахьан долаш, тахан кхоачашъеш латтача федеральни программах.
Вай республикан масалах, вайна ховш да уж фу программаш я. Дарбанчеш, ФАПаш хьалъяр, лорий моттигашта эшача гӀирсаца Ӏалашо яр, иштта кхы дуккхадараш.
«Путин Владимира вай мехка хьалхашка оттадаь лоархӀаме декхар да, технологеш юкъейоалаярца хьал тоадеш хилар. Эггара хьалха из доагӀаш да лорашта эшача гӀирсаца Ӏалашо хилар, молхаш тоъаш хилар, вай кхыча паччахьалкхенах тийша хургдоацаш», - аьлар Мартазанаькъан Мусас.
Из кхоачам хилийтара, наьха вахара хьал тоадара деш дар, иштта лакхача толамашка кхача деза Даьхен кхыча экономикан доакъош тӀа а.
