«Кхетаче дийцар, кхоана, дийша баьлча, кагирхоша дӀахохьоргболча наькъах, гӀулакхех.  «Студенташта эггара чӀоагӀагӀа дагадоахкача дешаех дар, дийша баьлча болх бе моттигаш лахар, къаман пайдане хургболча тайпара вахара никъ дӀабахьар, иштта кхыдараш», - дийцар тхога цига дакъа лоацаш хиннараша.

Хьаьшаша студентий хӀара хаттар дикка доашхаш, вахаре царна дикагӀа накъадаргдар хьалхадоаккхаш, къамаьл дир. Иштта дийцар, шоай къахьегама наькъ тӀа нийсденнарех.   

«Ишттача наькъаца дикагӀа аьттув хургба студентий дӀахо вахаре шоай моттиг лаха, пайдане хургдола гӀулакх хьалаца», - белгалдир Къоастой Ӏийсас.

«Вай президента теркалдаьча тайпара, кхоанара вахар, таханарча кагирхой лерхӀамашка, гӀулакхашка хьежжа хургда. ХӀара денна мохк тоалуш хилар да, вай массане цхьана къахьегаш хилар. Из эггара лоархӀамедарех да, Россе хьал тоадалара тӀехьа», - белгалдир Кхоартой ИбрахӀима.

Цо белгалдир; тахан Путин Владимира дешара оагӀон лакха теркам тӀабохийташ хилар; говза болхлой, лакха начӀал дола нах ма хулла дукхагӀа хилийта гӀерташ; цо боккха болх дӀахьолга. Из деррига а эшаш да, Россе кхоанара вахар сийрда, беркате хилийтара.