«Дин викалаша берашта хьалхадаьккхар, тайп-тайпарча тоабашта тӀехьацабалар, харцахьарча наькъ тӀа бахара тӀахьехаш из тоаба йолга кхетадар мел лоархӀаме да,иштта царна хьийхар шоай кхерамзле лораяра де дезар фуд. Хьехама керттера маӀан дар экстремизмах, терроризмах уж лорабар, воча наькъах юхаозабала уж ховш хургболаш, хӀанззе а уж кийчбар. Терроризмаца къовсам лелабе безараш ба, шоашта цунах зулам даьннараш санна, тахан цу наькъах шоай дезал лорабе безараш а, иштта еррига юкъарло а», - аьлар «Сердало» газетага кагирхой Даьхенцара безам совбаккхара йолча комитето. ГӀалгӀайчен кагирхошта хьехам балара, цар кхерамзленна Ӏалашо яра ца хаддаш терко лоаттаю.

Вай оарцагӀдовла деза бувзамий гIирсашка гӀолла экстремизм, терроризм юкъеяккха гӀертарий овла хоадабара, вай да цу зуламах кагирхой лорабе декхарийла дараш.