Джефф Монсона, ГӀазгиренаькъан Ахьмада кхетаче хилар ГӀалгӀайчен депутаташца
Дика бовзаш бола спортсменаш Джефф Монсон, ГӀазгиренаькъан Ахьмад ГӀалгӀайчен Халкъа Гуллама депутаташ болча хилар. Цу кхетаче вар спортивни передачай РЕН ТВ канала керттерча директора советник Хрюнов Владимир, иштта вай республикерча реабилитационни центрай кулгалхой.
«Спорт - из дунен тӀарча наркотикашта меттел харжа йиш йолаш я. Спортаца бувзам бола кагирхой, наркотикаш хьашт долаш хилац. Ший вахара мах оттабе ховш волчо из дика кхетаду», - аьлар из кхетаче вӀашагӀъеллача къаман политикан, юкъарлонца бувзам лелабара, дина гӀулакхех йолча моттигерча доал деча даькъ тӀарча комитета кулгалхочо Къоастой Ахьмада.
Джефф Монсон, WBC кепах йолча дунен чемпионата титул йолаш ва, ГӀазгиренаькъан Ахьмад боксах Россе, Европа, дунен чемпион ва, цар хьагойт унахцӀена вахар. Халкъа Гулламе кхетаче дӀахьош, дийцар ГӀалгӀайче бокс дегӀайоалае езарах, цу юкъе дукхагӀа кагирхой дакъа лоацаш хилийтарах, физически культуран, спорта залашка уж ма хулла дукхагӀа хургболаш.
Из наркотикаш йоаржаерашта духьала къовсам лоаттабара лоархӀамегӀа бола никъ ба.
