Къоастой Джафар Россе чемпион ва, Европа Чемпионата кагийбарий котвалархо ва,100кг дозал дарашта юкъе мехка чIоагIагIа вола дзюдоист лоархIаш а ва. Джафар вахаш а тренировкаш дIахьош а ва Ноябрьске. Из Ямало-Ненецки автономни округера шахьар я. Укхаза спортсмен-инструктор волаш, «Арктика», олимпийски ишколе къахьегаш ва из.

ДIабахача бетта Красноярске дIайихьача, «RUSSIAN JUDO TOUR» дзюдох йолча халкъашта юкъерча турнире, вай мехкахочо шоллагIа моттиг яьккхар. Яхьаш йистейоалаш, Токийски чемпиона, Ильясов Нияза совле йихьар цунгара. Джафар Арабски Эмиратай сборне ва аьнна хоам, чIоагIа доггIоздаьнна тIаийцаб спорта хьатIаязбенначар. Спортсмена доагIаш дукха ловцаш а даьхад, цо а ший оагIорахьа гIалгIай спорт дукхаезарашта баркал аьннад ше хьаллацарах.

ОАЭ сборнегахьа волаш, вай спортсмена таро я гаргарча, ахканара Олимпиаде кхача.