Магас-Шахьаре «Вай цхьана» яха суртий гойтам хьабийллар.
30.09.2023 16:38
Культуран дегӀаахара керттерча моттиге хьабийлла из хетабаь ба, Россех керда мехкаш: Донецки, Лугански халкъа республикаш, Запорожски, Херсонски областаш - хьакхийтта шу доалаш хилара. Из гойтам кийчбаьраш ба моттигерча «ЦаӀ йола Росси» яхача парте отделене викалаш.
«Цига дакъа лоацаш хилар ГӀалгӀайчен Халкъа Гуллама депутаташ, иштта доал деча даькъ тӀара кулгалхой, Ӏаьдала бе-бе болхлой, дин викалаш, юкъарлонна болхлой. ГӀалгӀайчено Запорожски областаца бувзам лелабеш хиларах дийцар Халкъа Гуллама вице-спикера Хьаьшанаькъан Азас, иштта «ЦаӀ йола Росси» яхача парте моттигерча исполкома кулгалхочо Кхоартой ИбрахӀима», - аьлар «Сердало» газетага из кхетаче вӀашагӀъеллараша.
Белгалдоаккх, тов бетта 30 ди, Россех керда регионаш хьакхетарца дувзаденна ди санна, белагалдеш хургда, Путин Владимира аларах.
