Единороссаша новкъостал дергда, СВО дакъа лоацаш волча бӀухочун нанна
25.09.2023 14:05
ГӀалгӀайчен единороссаша новкъостал дергда МагӀалбика-Шахьаре яхача БексултановгӀар Ӏайшета, цун воӀ карарча хана Россе лаьрххӀа йола тӀема операци дӀахьоча дакъа лоацаш ва. Лаьттанцара хаттар кхоачашдар дехаш яр бӀухочун нана.
«ТӀема декхараш кхоачашдеш болча бӀухой хаттарех» йолча проекта чудоагӀаш, МагӀалбика шахьара «ЦаӀ йола Росси» яхача парте моттигерча юкъарлон фусаме нах тӀаийцар.
Парте моттигерча отделене секретара Йовлой Ӏусмана, МагӀалбика кхален керттерча дарбанчен, шахьара администрацен вахара дешашта йолча отдела викалашца, иштта тӀема бӀухой дезалца цхьана кхетаче дӀайихьар. БексултановгӀар Ӏайшета, иштта кхыболча МагӀалбика бахархой хаттараш лаьрххӀа теркаме ийцар Йовлой Ӏусмана», - аьлар «Сердало» газетага.
