ГӀалгӀай къаман
юкъара газет

Кердадараш

Единороссаша дакъа лаьцар бераш хьаллоацача боламе

ГӀалгӀайчен Единороссаша, Магас-Шахьара, Илдарха-ГӀалан партийни доакъой викалаша дакъа лаьцар «Майрала кӀопилг» яхача, бераш хьаллоацаш болча болама юкъа, яхаш, дийцар «Сердало» газетага парте моттигерча отделене.

«Из да, дукха дарбаш деш, дарбанчешка, клиникашка, хосписашка Ӏеш дола бераш хьаллацара деш дола дика гӀулакх. Россе зӀамигача бахархой таро хургья «Майрала кӀопилга чура» сурташ дахкара эшараш, конструктораш, книжкаш, басараш, кхыдола совгӀаташ хьалдаха», -  аьлар хоамо.

«Дарбаш деча моттигашка деш дола дарбаш- уж боккхача наха а атта доаца хьалаш да. ХӀаьта берашта-м уж де боккъонца дола денал ма эший. Уж дукха ха йоаккхаш лорашка хила дезаш, дарбаш дара духьалъотталуш хила деза.

«Майрала кӀопилг» яхача боламо таро лу царна, шоаш ловш йола халонаш бахьане, шоай денал, майрал гойташ уж лазара духьалъотталуш хиларах, совгӀатаца дог гӀоздаккха», - аьлар «ЦаӀ йолча Россе» Магас-Шахьара моттигерча отлене сектретара Орцханаькън Зайта.

Цу вахарерча лоархӀамеча моттиго хьагойт кӀалвисачоа новкъостал дар, эшача накъавалар мел лоархӀаме да. Дукхача шерашка денз, цу тайпара новкъостал дар Ӏадат хинна дӀаэттача Россе бахархой таро я, шоашкара дакъа цу дикача гӀулакха юкъедахьа.

Эшар да, кердача кӀопилга чу совгӀат чудиллар. Вайна лов могашал яйна бераш юхь тӀа делар долаш хилийта, иштта боккхагӀчар еча теркон гӀонца уж дерригаш а шоай лазарех дерзийта.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде