ГӀалгӀай къаман
юкъара газет

Кердадараш

Магасерча моттигий хьал довзаш хилар единороссаш

Шахьара куц тоадара тIехьа кхеллача программага гIолла, Магасера моттигаш тоаеш дIабихьа болх малагIча боараме латт тахка арабаьлар «ЦаI йола Росси» яхача парте моттигерча оагIон къахьегамхой.

«Шахьара моттигаш цIена латтий, нувхаш шоай ханнахьа арайоахий, бераша, боккхийбараша салоIаш дола доазош малагIча хьале да хьежар уж. Цу гIулакха арабаьннарашта юкъе бар шахьарерча депутатий гуллама кулгалду Дарсиганаькъан Хаваж-Бахьаудин, Горсовета депутат Матенаькъан Индира», - йоах тхогарча хоамо. Дарсиганаькъан Хаваж-Бахьаудина дийцар, эггара чIоагIагIа терко е езараш бераш ловзаш йола моттигаш я аьнна. Шахьара куц тоадара тIехьа кхеллача программага гIолла дIакхухьаш болча балхо наьха вахара хьал аттачахьа доаккхаргда. Бахархой гIадгIоргболча тайпара дIабахьа беза болх.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде