«Оздо» яхача спорта клубага, Пхьарчанаькъан Мухьмада цӀерах йолча стадионага хьожаш хилар уж. «Ишкола, берий беша юхе ядаш хиларах, цу спорта моттигашка массахана дукха бераш хул. Спортаца бувзам лелаберашта мел эшар хила деза цига.

Къаман программага гӀолла дӀахьош болх ба, цу моттигашкара кхоачамбоацараш юстардоахаш, хьал тоадеш», - дийцар Дарсиганаькъан Хаваж-Бахьаудина.

Теркалдаьча кхоачамбоацарех единороссаша дийцар спорта моттигерча администрацеца. Уж юстардоахаш болх бергба шоаш, аьнна, соцам бир цар.