Ишколашка лоаттадеча даарга хьежар единороссаш
28.09.2023 14:42
Респбликерча ишколашка дешархошта лоаттабеча бӀайхача кхачан хьал тахка арабаьлар единороссаш. Илдарха-ГӀалий тӀарча № 5 йолча ишколе из гӀулакх малагӀча боараме латт хьожаш хилар депутаташ бола Амаканаькъан Хьусени Йовлой Ахьмади.
«Бераша хӀама дуача моттигера санитарни хьал, лоаттабеш бола кхача боаггӀача боараме бар», - аьлар Амаканаькъан Хьусена. Иштта цар техкар, бераша хӀама дуаш йола пхьегӀаш, истолаш, иштта кхыдараш а цӀена, лостам болаш дий. Из тайпара болх цар бӀарччача дешара шера дӀакхухьаш ба. Кхувш доагӀача берий дегӀамашта дӀайха даар эш, лерттӀа кхача баарга хьежжа мара лазарашта духьалъотта низ хилац цар.
