ГӀалгӀайчен Единороссаша кхетаче дӀайихьар, вӀаштӀара даьча цӀеношка бахача нахаца
«МКД бахархой» яха партийни проект кхоачашъеш; Наьсаре, МагӀалбике «ЦаӀ йола Росси» яхача МО викалаша кхетаче дӀайихьар, вӀаштӀара даьча цӀеношка бахача нахаца. Цох дийцар парте республикан отделене зарбан болх лелабераша.
Шинна а доал деча даькъ тӀарча нахаца къамаьл хилар. Бахархоша вахара хьалаш тоадарах лаьца шоашта хетар аьлар.
Иштта, единороссаш баха хилар Наьсарен, Весенни, Овшанаькъан урамашкара салоӀа моттигаш малагӀча хьале я хьажа, уж тоаяь дукха ха яц, «Шахьара хьал» яхача проекта чуйоагӀаш.
Партийни проект кхоачашъеш, наха фу хет хьожаргба. Царна дика довзаш хул, малагӀча цӀеной ковнаш тоаде дезаш да. Из болх укх тайпара дӀабахьа лерхӀ: депутаташца цхьана тохкаргда дукхаза вӀаштӀара даьча цӀеной коара доазонаш, берий, ловзара майдаш, цул тӀехьагӀа нахаца дувцаргда, малагӀа ков тоадича бакъахьа да.
