ГӀалгӀай къаман
юкъара газет

Кердадараш

Единороссий кхетаче хилар «Йоккха сомий беш» оалача ООО болхлошца

07.03.2024 12:14

Хоржамий кампани дӀахьош, РФ президенталла кандидат волча Путин Владимира тешам беннача Къоастой Ӏийсай, Кхоартой ИбрахӀима кхетаче хилар «Йоккха сомий беш» яхача ООО болхлошца. Цунах «Сердало» газетага хоам бир «ЦаӀ йола Росси» яхача парте моттигерча даькъа зарбан болх лелабераша.

Кхетаче дӀахьош тайп-тайпара дешаш дийцар, уж дар балха алапегара дӀадоладенна арахецача продукцен дикалга кхаччалца. Цул совгӀа, дийцар карарча хана цига къахьегаш болча болхлой профессиональни кийчонца дувзаденна дешаш а.

«Къахьегама кхерамзле лораеш хилар лоархӀамеча хаттарех цаӀ да паччахьалкхен предприятешка, хӀана аьлча сага могашал, балха аьттув хилар лоархӀаме дакъа дӀалоацаш да юкъарло дегӀаухача новкъа. Из дар, дукха ха йоацаш Федеральни Гулламга ше кхайкарал деш, Президента белгалдаьр.

«Укх хьатӀадоагӀача ялх шера, мехка къахьегама алапеш лакхлуш хургда. Ахча дайдалара, юкъера алапеш лакхдалара хьалха доалаш, тхо къахьегама алапеш ӀотӀатохаш доагӀа. 2020 шера дӀайолаенна, МРОТ цаӀ ах лакхъелар, 12 эзар сомагара 19 эзар сомага кхаччалца. 2030 шера МРОТ лакхлургья кхы а шозза, 35 эзар сомага кхаччалца, из хоалуш хургда вахара пособешта, алапешта. Цу гӀулакха хьакъоастаяь «Кадры» яха къаман проект я», - аьлар Къоастой Ӏийсас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде