Укх наькъа депутаташ баха хилар, Илдарха-ГIалий тIа кердача микрорайоне, хьалъеча ишкола болх мичахьа кхаьчаб хьажа. Цига, «Новая школа» партийни проектах, 720 моттига лаьрхIа хьалъеш керда ишкола я.

Хамхой Батыр, Кхоартой ИбрахIам, Боканаькъан Яхья раьза болаш — биссар, баь баьннача балхага хьежачул тIехьагIа.

Кердача школьни объекте чудоагIаш да, дикка а пайда хьабаргболчча бесса а, дешара дола дика хьалаш. Духхьала цхьа спортивни аре хьаийцача а, из тоаяьй берий таро хургйолаш ловза: футболах, волейболах, баскетболах. Настольни тенис оала ловзар а, юкъе дитадац укхаза.

Из доацаш, адара бола герга никъ а тоабаьб, лоаццача вадара наькъаш а, нормативаш дIачуялара дола наькъаш а берий майданаш а яьй.

Цул совгIа, унахцIено эшаеннача берашта лаьрхIа лифташ а да, гургдолча бесса такилга оасаш а дохкаргда.

«Проекта чудоагIаш хиннача бесса, кхозза вIаштара яьча гIишлон чу спортивни зал, дешара зал, кхача кийчбу моттиг, хIама яа моттиг, лаборатореш, дешара кабинеташ, административни помещенеш — я, таханарча хано дIадеххача бесса хьалъеш латт гIишло.

Из хьалъяь яьнний 90%», — аьлар гIишлон даькъа тIарча кулгалхочо Татренаькъан Ювсапа.