ГIалгIайчен столице Единороссаш хьажар, «Новая школа» яха, проект маьхал мишта йоаккх
Единороссы проверили в столице Ингушетии, как реализуется проект «Новая школа» в ходе строительства детского сада на 220 мест, информировали газету «Сердало» в региональном отделении «ЕР».
«Из, деша даха ха йоацача берий гIишло хьалъеш я, Халкъа программа «Новая школа» яха партпроект маьхалъяккхара йолча программах», — йоах хоамо.
Цунна контрактах оттабаь мах ба — 188 миллион сом, карарча шера, лайчилла бетта йистеяккха лерхIаш я из.
«Цу гIишлон чуйоагIа, дика кхетам а хьехам балара лаьрхIа йола, помещенеш. Спортаца ювзаенна занятеш дIаяхьара дола хьалаш а вIаштIехьдаьхад, музыка, цIайца ювзаенна мероприятеш, акцеш дIаяхьа ата хургда цу чу.
Берий таро хургья шоашта карагIдоалар гойта, царна новкъостал дергда психолога а логопеда а.
Берий беша доазув кийчдергда: хозача гаьнашца, зизашца, кIотаргашца, ловзараш дIадахьара лаьрххIача майданашца, баьццарча доазонца», — аьлар Хамхой Батыра.
ЗIамигача района яхархочо ТIоаршхой Амината йоах, шийна хетар дувцаш, Магаса бахархой тIакхеташ латт, ше шин бера нана хилара тарра, цунна дика ховш да, цхьайолча хана, бераш берий беша дахийтара мел къахьега деза. Цудухьа, керда берий беш хьалъяро доккха совгIат дергда Магаса бахархошта.
Иштта дийцар, баьча балхага хьежачул тIехьагIа, «Новая школа» партпроект маьхалъяккхара хьадаь даьннар мелад а, диссар фуд а.
