"Укх шера ца йоаккхе а, тIехь тIа йоагIача хана из хьайоакхарг хиларах со тешаш ва. Ше хьалхагIа хиннача бесса хила еза из. Цул совгIа из иштта хиларга сатувсаш я вузаш а наха а",- аьлар цо.
ГIалгIайче а дукхача СКФО субъекташка а из хилча ца хилча яха дош дувцаш латта дукха ха я. Дукхача респонденташа яхачох тестови дешар юкъедаьлча денз россе школашкара тIехь тIабоагIача ноахалла кхетам балара хьал лIаьгIденнад, дешархошцара иштта хьехархошцара бувзам дIабоалаш латт.
Зайцевс иштта белгалдир цу система юкъера араваларо дукха ха дIалоацарг хилар а, йоах lenta. Ru
Депутата яхачох дешара, Iилма йолча Госдума комитете ЕГЭ эшаш ца хилара хаттар цкъа оттадаь Iийнадац. Кхоачамбоацарех цаI да дешархой юххIанцарча классе багIача хана денз экзамена кийчо е а отташ хиларах, дешар дIадеххача бесса къоарга Iомаде таро ца хилар. ТIаккха дешархошта знанел чIоагIагIа баллаш эшаш хул.
Хоам бу, цу тайпара парламента лакхерча палата спикера Толстой Пётра 12 -ча мае тIахьийхар ЕГЭ дIа а яьккха дешар хьалхагIа хиннача тайпара хилийтара.
