Юкъара хьаийцача «коммунальщикаша» дIа ца луш дисса ахча 2022-ча шера, агIой бетта цхьоалагIча денга кхоачаш 2,2 млрд сом да. Цунах 1,6 млрд дIадала дезар я «Ингушрегионводоканал» ГУП. Духхьала ер шу дIадоладелча денза цунна декхар хьаIайнад 319 млн сом.

Декхар доаллача предприяте, карарча шера, бархI бетта энергоресурсах бала беза мах дагар ма бу хул: шин шера бархI бетта (2020-ча шера моажола бетта денз) цкъа декхар дIаденнадац цхьан сома маьха а. Цул совгIа, йоккхагIа йолча мах дIа ца луча ЖКХ 2019-ча шера декабрь бетта дIачуденнар ши эзар сом да.

«Ингушрегионводоканала» ший ханнахьа дебиторски декхар хьалургдолаш «Россети Северный Кавказа» шийна могар ду. ДукхагIа дола боахамаш болх юха соцабе йиш йоацарех да. Цудухьа, из бахьан долаш, царна декхар хьа ца даларах доагIаш дола таIазар де таро хилац. «Ингушэнерго» филиала говзанчаша леха бола цхьа никъ ба — цу моча декхар доаллача боахамашта лоаттаеш йола газ лаьгIа хилийтар.

Цу тайпара, «Ингушрегионводоканал» ГУП банкрот я, аьнна оттаяьй, 2022-ча шера 13-ча июле денз цунна когаметта дикагIа яр лохаш латташ бола боахам ба из.

«Ший ханнахьа йоагаяьча электроэнергех доагIаш дола ахча хьадаларах тийша я ерригача республике гIолла йола электроснабжени.

АргIанара еш йола ремонт, оборудованена кулг тохар, модернизаци, керда гIишло хьалъяр — сетевой комплексо дика болх бара дола тешал да из, цудухьа йоагаяьча электроэнергех хьачулуш дола ахча дIадодаш ба из болх, из тоаш ца хиларо юхасоцаду дукха балхаш. Цу тайпара юкъедоал электроснабженена нийслуш дола кхоачамбоацараш. Масала, 1,6 млрд сом хилча тха таро хургьяр тийшъенна энергокомплекс тоае а из болх керда баккха а. Цунах боагIаш бола мах хьалуш ца хиларах, декхар доаллаш дола боахамаш шоаш бе беза болх лерттIа хьа ца барах тхо, тахан, юкъе дита дезаш хул цу тайпара балхаш, уж дIахо а иштта дуссаргда, цар шоашка доаллаш дола декхар хьаденна даллалца.

Из дIахо йодача хана республика социально-экономически дегIайоалаяра деш да», — аьлар «Ингушэнерго» филиала декхараш кхоачашдеш волча, ТIоаршхой Рамазана.