Гӏалгӏайчен энергетикаша кердабаьккхар 42 км тока саьрг
«Къилбаседа-Кавказа-Россеташа» - «Ингушэнергос», ер шу дӏадоладелча денз, дукха болх бир, цар хийцар тишденна тока саьргаш дикагӏча саьргаца 42 км.
Гӏалгӏай Республикан Кулгалхочун, Паччахьалкхен зарбан болх лелабераша яхачох, керда аьшкасаьрг ба къайла а болаш, ток тохара кхераме а боацаш, иштта мел лакха хиларах йӏовхал а ловш. Моллагӏча ара эттача хаоттамах лоравала везаш дац тока хьал. Шелал яр аьнна, саьргаш гӏорадеш дац. Цо таро лу токацара хьал тешаме хилийта.
Цу даькъ тӏара хьал хувцарах, таро хургья из болх ший мугӏарера ца боалийташ дӏабахьа, нийсса низ дӏа-юха хьожабе», - аьлар Гӏалгӏай Республикан кулгалхочо Келаматанаькъан Махьмуд-ӏаьлас.
Белгалду, балха даькъ тӏара хьалаш хувцар чудоагӏаш да йоккхача программага гӏолла энергетикан болх тоабара, наха лоаттадеш дола хьалаш дикагӏа хилийтара.
Энергетикаша лаьрхӏад дӏахо а из болх дӏабахьа - кхы а кхо километр саьрг ба СИП яхачунца хувца безаш, ер шу чакхдалале. Уж балхаш чудоагӏаш да «Ингушэнерго» филиала энергогӏирс 2025 шера тоабара.
