Дешара кхуврчашта юхерча, токацарча моттигашка хьежар энергетикаш
Перед началом нового учебного года специалисты филиала «Россети Северный Кавказ» — «Ингушэнерго» провели плановые проверки энергообъектов, находящихся на территориях и вблизи образовательных учреждений республики.
Берий бешамашта, ишколашта ток лоаттаеча 80 тока моттигашка гIолла, чакхбаьлар цу гIулакха бехктокхаме бола болхлой.
Цхьаццадола кхоачамбоацараш юстардоахаш, къайла хила езача моттигай чIегашка хьожаш, токах лоравала везалга хьахьокхаш йола знакаш шо-шоай моттигашка йоахкий хьожаш болх дIабихьар цар. «Россети Къилбаседа Кавказ» яхача кхуврчо лакха тIахьожам лелабу бераш токах лорадара долча гIулакха.
Бер тIадаха йиш йола моттигаш къайла, гонахьа карт йолаш хила еза. Къаьстта из болх, лакха терко еш лелабе беза вай массане", — аьлар, керттера инженер волча, Абаимов Виктора.
Цу мугIарера болх дIакхахьарал совгIа, энергетикаша дешархошца токацарча кхерамах уж лорабеш, цунца дувзаденнараш царна хьалхадоахаш дола ловзараш, акцеш, конкурсаш, урокаш хан-ханнахьа дIакхухь. Цул совгIа, деррига шоай бIаргашца зувргдолаш подстанце эккскурсех кхувл бераш.
