Из болх дIабахьара а, иштта энергообъекте де дезаш дола балхаш дара а, аьнна хьахьожадаь 2 млн сом да.
«Юго-Западный» оалача керттера энерги луча центро Iалашъю ГIалгIай Республика ши шахьар — Магас, Назрань. Цо лерттIа болх беш хиларах тийша да республика 50 эзар сага электроэнерги йоаггIача боараме хилийтар, цул совгIа, цига чубоагIаш социальни лоархIаме 30 урхален болх а ба.
«Ингушэнерго» филиала энергетикаша даьттаца лелаеш йола выключатель хийцар элегазови яр дIа а оттаяь. Из дуккха а дикагIа я, кхераме а яц, лоталургйолаш а яц, массехказа дукхагIа энергообъекте кхерамзленна Iалашо е таро лу цо. Из доацаш а даьтта чудутташ йолчарел дуккха а тешамегIа а, иштта зIамагIа а я из.
«Масса йолча оагIонгахьа диллача, цунга дIадодаш дар зехьа довш хилацар. Цудухьа говзанчаша деррига а дIа а лаьрхIа 30 шера болх бе йиш йолаш йола керда выключателаш оттайир. Лакха технологи йола оборудованеш хувца таро хиларо хьагойт производства керда декхараш мишта кхоачашду-массехк дикагIа а сихагIа а уж кхоачашде таронаш я таханара технологи юкъеяьлча. ХIаьта вай газ йоагаерашта-м из хIаьтте а электроснабжени тешшаме дикал йолаш хилара бахьан да», — аьлар «Ингушэнерго» филиала кулгалхочо ТIоаршхой Рамазана.
Заман халагIча хьалашка, болх беча хана оборудовани кийча йий хьожаш хилар говзанчаш.
Дукха низ тIабахийта безача хьале оборудовани болх бе безаш хуле, оатхалаш мугIарера араяргйоацаш, из дозал лоалуш хургйий а тахкар, иштта гонахьара хьатIаяьнна йоархIаш дIайоахаш бола болх бир цар.