ГIалгIайче, эпидеме хьал тохкаш да
В Магасе состоялось заседание Межведомственной санитарно-противоэпидемической комиссии при Правительстве Республики Ингушетия под председательством заместителя Председателя кабмина региона Марьям Амриевой. Речь здесь шла о вакцинальной кампании среди детского и взрослого населения для защиты от ковида, гриппа и полиомиелита.
ГIалгIай республика ТIахьожам лоаттабеча урхален кулгалхочо ЦIолой Маяс яхачох, РФ доазон уллув бахача Азе а Афганистана а бахархой полиомиелитах цамогаш хинна дукха ба. Цу мехкара хьал иштта хиларах, кхерам болаш да вайцига, цу мехкара хьаухача наха, из лазар хьачудар, хIана аьлча Таджикистанера дукха нах ба Россе, цигара хьачуда йиш я вирус оала лазар.
Хьалхадоаккх, полиомиелит-вирусни лазар да.
Из юхатохара эггара тешамегIа дар да прививка яр.
Амренаькъан Марема гулбеннарашта хьалхадаьккхар, ерригача службаша, цу даькъа тIа, болх бе безалга. Лорий, санитарий даькъа тIа, дешара кхуврчашка, цул совгIа СМИ гIолла из хьалхадаккхара болх дIабахьа беза. Цхьаькха а да прививка ца йича яргйоаца лазар — грипп, ОРВИ. Ковидаца цхьана уж нийслой, геттара чIоагIа, хала лазараш да уж.
Гриппа духьала прививка йича, эггара нийсагIа бола никъ ба лазар ца лацара. Эксперташа яхачох, ГIалгIайче гIолла грипп дIа-юха даржаргдоацаш 60% нах прививка яь хила беза, 75% кIезигагIа боацаш боккхий бараш а ба цу юкъе хила безаш, хIана аьлча, цар лазар халагIа хул.
Цу тайпара вIашагIкхетар йистедоалаш, гулбеннарашта, масса йолча службай викалашта, декхар оттадир, полиомиелитах, гриппах, ОРВИ лазарах нах цамогаш хургбоацаш, болх чIоагIбе аьнна.
