1973-ча шера, СоагIапча яьй Боканаькъан Аьсет. 1990-ча шера дошоча майиалгаца цу юртара ишкол йоаккх цо. 1997-ча тIехдика дийша чакхйоаккх цо Шолжа-ГIалий тIара университет.

«Химик — тохкамхо» яха квалификаци йолаш дIахо хьу цо ший никъ.

2004-ча шера Астраханерча паччахьалкхен университета психологехи педагогикехи йола аспирантура чакхйоаккх цо. 2018-ча шера лакхерча дешара «Российская академия государственной службы при Президенте Российской Федерации» квалификаци чакхйоаккх цо.

Аьсет дукха къахьийга саг я. 1991-ча шера, СоагIапчарча №19 йолча ишколе, воспитатель йолаш болх бу цо. Цул тIехьагIа, Шолж-гIалий тIарча №15 йолча интернате воспитатель хул из. 1994-ча, 1997-ча шерашка Шолж-ГIалий тIарча интернате хими, биологи хьехаш хул из.

Цул тIехьагIа, цун хьехама никъ соц ший юртарча ишколе хими хьехаш. Ишкола кулгалхочун гIонча йолаш, къахьег цо цига. 2011-2014-ча шерашка Гигиенахи эпидемиологехи болча кхуврче химик-эксперт ФБУЗ йолаш болх бу Аьсета.

2014-2016-ча шерашка Долакха-Юртарча ишколе къахьегаш хул. ДIахо цо ший никъ бувз, Шолжа-пхьерча лицееца.

20I9-ча шера моажала бетта денз, республикерча дешареи Iилманеи министерства кулгалдеш я Боканаькъан Аьсет. «РФ кхетамахи просвещенехи лоархIаме болхло» яха знак лу цун бехктокхаме болх дIахьош хиларах.

Иштта кхыдолча даькъе а белгал йолаш хьайоагIа из, таханарча денга кхаччалца. Мекдаьгара, Федераце Совета кулгалхочунгара грамоташ тийний Аьсета.