«Котъяьннача библиотекашта субсиди лургда, цар таро хургья шоай доалахьардар кердадаккха, гӀишло чура тоае, интерактивни, мультемедийни гIирсаш эца, болхлой говзал лакхъе, цифровой оалача кепара болх тоабе, цу юкъе къаман электронни библиотека а йолаш. Арштера библиотека тоаяро таро хулийтаргья юкъарча вахаре кердадараш юкъедоаладе, таханарча заман а дешара а майда хинна дӀаотта. ХӀанз укх сахьате, Шолжа кхале цхьа модельни библиотека я болх беш- Мужечара №2 яр. 2024 шера цох дӀакхетаргья Арштера №2 йола библиотека-филиал», - аьлар «Сердало» газетага ГӀалгӀайчен къаман библиотекан кулгалхочо ГӀазданаькъан Радимхана. Тахан Ӏаддала Радимхан яь ди да. «Сердало» газета редакце даькъалаювц из цу денца!