«Даьхен лорбой» ганзо наьха дехараш кхоачашдир 90%

«Даьхен лорбой» ганзо хьагойтар дика толамаш, карарча шера хьалхарча ах шера наьха дехараш цар кхоачашдир 90%. Цу юкъа дӀаяздаь дар 500 хаттар совгӀа, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.

Ветеранаша дайтача дукхагӀа долча дехарашта юкъе дар- тӀема ветерана тешал ду каьхат хьаэцар, дешача наха Ӏаьдалгахьара цхьацца аьттув балар, иштта лорий, психологически новкъостал дар. Цул совгӀа, наха хетташ дар лаьтташ далар, санаторе-курорта дарбаш дар.

«Вай турпалхошта а цар дезалашта а массайолча оагӀорахьара новкъостал дар дӀахо а дӀахьоргда. Цхьаь цаӀ хаттар дусаргдац терко йоацаш», - аьлар ГӏалгӀайчен кулгалхочо Келаматанаькъан Махьмуд-Ӏаьлас. Цо тӀатехар, СВО хьалашка новкъостал лоаттаде дезараш ба вай мохк лорабераш,шоай низ а са а кхо ца деш моастагӀчунна духьаллаттараш.