ТIема аренашка де доацаш вайнача бIухочун нанна гIо дир «Даьхен лорабой» яхача ганзо
ТIема аренашка декхараш кхоачашдеш латташ, де доацаш байнарашта юкъе волча бIухочун нанна гIо деш хилар «Даьхен лорабой» яхача ганза мехкарча филиала болхлой. Арсамаканаькъан Адама нана дегIа могашал эшаенна я, воIа тIехьа саготдарах, ганза болхло волча Мержой Идриса лорашка чакхйоаккхаш, дарба дергдолаш новкъостал дир цунна.
«Дарбанче Iойижа, ха яккха езаш да цун хьал. МагIалбика кхален дарбанче терпевтически моттиге из Iоюжаяь, цунга хьожаргболаш вIаштIехьадаьккхар цо. Массехк лорага гIолла чакхъяккхийтар цо бIухочун нана, иштта шийна къаьстта палата хургйолаш дийцар. Цунна дарба деча лораца бувзаме болаш, тIемхочун нана йолча болхаш, фу эш хьожаш ба ганза болхлой», - дийцар «Сердалога» цу моттигера.
ТIема операце доакъашхой дезалашка хьожаш, де доацаш къонгаш байнарий хьал шоашта могачох аттача доаккхаш, цар оагIув хьаллоацаш ба мехка.
