Ший болх лакхача боараме дӀахьош я «Даьхен Лорбой» яха ганз
Лакхача боараме шоай декхараш кхоачашдеш ба, вай мехкарча «Даьхен Лорбой» яхача ганза филиала викалаш. Духхьал цхьан шера 1840 сага дехараш кхоачашдеш, болх дӀабихьаб цар. Из хоам «Сердалога» бир цу моттигера.
«Украинера тӀема операци йолаеннача дийнахьа денз, 20 тайпара новкъостал тӀема доакъашхой дезалашта лоаттадеш болх дӀаболабир мехко. Ганза тоабо дарба де гӀо дир 103 сага, 69 вахархочо курорте ваха шоай дегӀа могашал тоайир»,- йоах тхога кхаьчача хоамо.
338 бӀухочоа, цар цӀагӀарбарашта психологически оагӀонцара новкъостал дир, юридически оагӀонца дувзаденнараш нийсде аьттув хилар 27 дазала.
Цул совгӀа, 425 бӀухочоа, цар гаргарча наха лаьттан доакъош декъаш, мехкарча 60 вахархочоа ЖКХ дувзаденнараш аттачахьа доахаш, гӀо даьд.
Ганза къахьегамхошка гӀолла балха эттав 18 саг, хӀаьта 26 сага деша а керда балха говзал Ӏомае а вӀаштӀехьадаьлар.
