Къонача Ӏилманхочун Пхьилекъонгий Залинай болх гойтар къаман библиотеко
Боккхача говзанчаша къоабалдаь, ший Ӏилман балхаш къаман библиотекага дӀаделар М. Ломоносова цӀерах йолча Москверча паччахьалкхен университета таржама лакхерча ишкола аспирантка, къона Ӏилманхо йолча Пхьилекъонгий Залинас.
«Дуне бесашка гӀолла гӀалгӀай, эрсий, ингалсий метташа довзийтар»» яха Пхьилекъонгий Залинай болх бовза йиш я тха библиотеке. Цул совгӀа, «Озанаькъан Салмана Пушкин Александра «Ӏуйре» яхача байта таржам дар» яха болх бовза а йиш я.
Белгалде деза, «Ломоносов-2024» яхача къаман Ӏилман конференце цо гойта из болх; Россерча а кхыча мехкашкарча а 16 вузера гулбеннача къонача Ӏилманхой 54 балха юкъе; эггара дикагӀа лаьрхӀалга», - дийцар «Сердало» газетага къаман библиотеке.
Вай къаман лакха начӀал долча мехкахой балхаш теркалдеш, царна боаггӀаш бола мах оттабеш я къаман библиотека. Пхьилекъонгий Залина ше а къаман библиотеке болх баь я хьалха.
