ГӀалгӀай къаман
юкъара газет

Кердадараш

Сурташ даха дийнаташта кIийле ярах, дика гӀулакх хет ГӀалгӀайчен 40% бахархошта

Сурташ дахар духьа, Ӏалама тайп-тайпарча хьалашка хьун дийнаташта кIийлен хувшарах дика гӀулакх хет, ГӀалгӀайчен 40% бахархошта. Из иштта хилар белгалдаьлар 100 сага юкъе «Сердало» газета корреспондента дӀабихьача хоаттамга гIолла.

МагӀалбика кхашка, ЖӀайрахьа кхален лоамашка хьазилга е кӀормаца сурт даккхар - из саг гӀадвугаш дола гӀулакх да», - аьлар хаттарашта жоп луш хиннача мехка столицан Магас-Шахьара вахархочо.

55% бахархоша лоархӀ, ший дезалца Ӏалама хозаленашка салаӀа водача сага цох чӀоагӀа дикахетар хул, гонахьардар довзара а хIама Iомдара а даькъ тӀа.

Хаттарашта жоп луш хиннача нахах аханел дукхагӀчар лоархӀ – из хьамсарча мехкара хозаленаш а цигара оакхарий а довзара эшаш да, аьнна.

80% наха лоархӀ, сурташ доахаш йола дика аппарат эца хала да, маьхаш лакха хиларах.

Хаттарашта жоп луш хиннача нахах дукхагӀбараш, шоашта цӀаьхха нийсденнача хозача дийната, хьайба, оалхазара сурт даккха безам болаш хул.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде