ГӀалгӀай фирман кулгалхочо бюджета деш хинна доккха къоал юхатехар ФСБ болхлоша
ГӀалгӀай мехка бокъонаш лораераша юхатехар, паччахьалкхенна духьала деш хинна экономически зулам. Моттигерча УФСБ болхлой теркама юкъе нийсвелар, бюджетера ахча дахьа кийчлуш вола коммерчески даькъа генеральни кулгалхо. Бизнесмена карагӀдаьлар, бокъо йоацаш, паччахьалкхен дукха ахча ший доалахьа дерзаде.
«Цу сага шийна дитар «2019-2021 шерашка юрташкара доазонаш тоадар» яхача паччахьалкхен программанна чудоагӀаш, Наьсарен кхален Пхьилекъонгий-Юрта наха фусамаш хьалъю доазув кийчдара болх дӀабахьа аьнна хьахьожадаь 2 000 000 сом.
ГӀалгӀайче гӀолла йолча Россе Тохкама комитето, Тохкама урхаллено шийна духьала хьадийлла уголовни гӀулакх тохкаш, цо деррига хинна зе меттаоттадир. Магасерча кхален судо из бехке ву зулам дарах РФ УК 3 д. 159 ст., цунна ши шу ха техар», - аьлар «Сердало» газетага ГӀалгӀайче гӀолла йолча Россе УФСБ.
Судо баь соцам хӀанз а низ чӀоагӀбеннабац. Шийна теркам тӀаозаш да, из зулам гучадаьккхар Республикански ФСБ Урхаллен болхлой хилар, хӀаьта тешалаш гулдер, тохкама болх дӀахьош яр моттигера тохкама комитет я.
