«Химки-М» яхача тоабанна юкъевахав вай футболист
Таханарча ден турпал ала мегаргдарех ва вай мехкахо ЦӀолой Мухьмад. «Химик» яхача академе Ӏомалуш хинна вай мехкахо 17 шу даьнна ва, тахан «Химки-М» яхача футбола тоабан визза доакъашхо ва из. Из хоам «Сердало» газетага бу цунна хьалха латташ, хьабаьхкача новкъосташа.
«ВӀаший бувзам чӀоагӀбеш, футбольни клубо ЦӀолой Мухьмадаца баьча йоазон бартах, шоллагӀча лиге дакъа лаца дезарех ва вай мехкахо. 2+1 яхача оагӀонца чӀоагӀъяь я контракт. Укх шин шера цу тоабанца ловзаш хургва футболист», - йоах тхогарча хоамо.
Футболацара бувзам дӀаболабеш, ЦӀолой Мухьмад ловзаш хиннав «Ангушт» яхача РСШ тоабанца, тӀаккха из хиннав Оздой Мухьмада ишколе, Бакайнаькъан вежарий футбольни академе.
Москвана дӀахоуллача шахьарерча клубацара бувзам 2021-ча шера денз хьабоагӀа цун. Цу юкъа дикка толаме ловзаш кагирхой футбольни лиге шин яхье дакъа лаьцад цо.
