ГӀалгӀайчен футболисташ Таганрога командаца ловзаргба
21.03.2024 15:48
КӀира чакхдоалаш, ГӀалгӀайчен цӀихеза «Ангушт» яха команда ловзаргья Таганрога футболисташца, яхаш, дийцар «Сердало» газетага ӀngFootball хоамий портала викалаша.
«ГӀалгӀайчен футболистий укх шера хьалхара да Ростовски областерча спортсменашца дӀахьош дола ловзар.
ХӀанз укх сахьате, «Ангушт» команда доакъашхой кийчо еш ба, «Форте» яхача футбольни командаца дӀахьоргдолча цу ловзарга. Яхьашка вӀашагӀкхетаргба тушола бетта 23-ча дийнахьа нийсса 15 сахьат даьлча», - йоах хоамо.
Тхоца къамаьл даьчо яхачох, Таганрога командаца ба хьалхагӀа вай команде хинна викалаш, царна юкъе ва полузащитник Халимбеков Рустам, юкъера защитник Муслуев Идрис.
