МагIалбика-шахьара «Ангушт» РСШ кот яьлар «шоллагIча» «дото» кагийбарий ЮГ-футбольни командала, новороссийскерча «Черноморскагара» цар дикка а йоккха котало яккхарах. Кхетаче дIайихьар, укх деношка, Назране ЮГ даькъа тIа Кагийбарий футбольни 19-ча туре. Из йистеяьлар чот 5:1 йолаш ангуштагахьа совле а йолаш.

«Черноморца» вороташка голаш чуяьхараш бар ТIонганаькъан Iадал-Хьамид, Гойганаькъан Хаваж, Хадзенаькъан Iаьла.

Iадал-Хьамида, Хаважа шишша бургац чуяьккхар шоашца ловзарий коа наIарашка. Духхьала цхьа бургац чуяьккхар МагIалбика команда коанаIарашка, 66-гIа минот ловзаш йодача хана, Новороссийскерча команда доакъашхочо Зарипов Мурада.

«Ингфутбол. ру» сайтага обозревателаша яхачох, котало яьккхачул тIехьагIа «Ангушт» РСШ шоашца ловзарашка хьакхоачаш а бацар, «дото» финала группала котбаьлар уж ханал хьалха 30 очко а йолаш.
Кхоанара ди даьлча, Республика «Ангушт» спортивни школа команда ловзаргья, вайцигара дIа а яха, «ФШ им Л. Слуцкого» волгоградерча командаца.