Галашкерча ФОКа керда борцовски кIувсаш делар
Вместе с матами, в физкультурно-оздоровительном комплексе появились еще и новые боксерские груши и гимнастический канат. По словам директора ФОКа, борцовские ковры в этом спортивном ведомстве не обновлялись с момента строительства спорткомплекса. А это уже более 20 лет. Имеющиеся борцовские ковры давно находятся в плачевном состоянии.
ФОКа кулгалхочо яхачох, ер спорткомплекса гIишло хьалъяьча хана денза, укхаза борцовски кIувсаш кердадаьхадацар. Из дIакхессача а 20 шу ха я.
Долаш дола къаьнара кIувсаш, хIаман пайдана доацача даьннадар.
Белгалдаккха дезаш да, бокса, греко-римски латара секцеш дика кIийле я ФОКа. Уж болх беш я, ер урхале хьалъяьча хьалхарча дийнахьа денз.
Галашке дахача берашта юкъе, уж эггара лоархIамегIа яраш а я. Иштта, ийцача спортивни хIамашта чIоагIа раьза ба моттигера дзюдоисташ а. Нагахьа санна, латара спорта лаьрхIа керда маташ денадале, царна лаьрхIа татами денад.
ГIалгIайчен спортивни латарах йолча Федеральни урхален пресс-служба яхачох, Галашке бахача наха дика совгIат даьр, ГIалгIайчен спорта министра декхараш кхоачашдеш вола Белхарой Руслан ва. Укх наькъа цунца вар, ГIалгIай Республика греко-римски латара команда кулгалхо Чаненаькъан Мустафа.
Ер ФОК хьалъяьча хьалхарча дийнахьа денза, укхаза къахьегаш ва спортивни хьехамча Къоастой Мухьмад. Цо кулгалду галашкерча классически латара секцена.
«Тхона, иштта, эцаргья аьннад «чучело». Из кIаьда манекен я, сага дегIа тара йолаш, цунца Iомалу тхо брасокаш е. Берашта кхераме йоацаш я из, приемай техника Iомаяра», — аьлар Мухьмада.
Галашкерча секцера греко-римски латара спортсменашта юкъе призераш а чемпионаш а кIезига бац, ГIалгIайче а СКФО гIолла а. Цар дакъа лаьцад мехка хьалхлене. Масала, галашкерча ФОКаца ювзаенна я 2018-ча шера чемпиона, дото призера, Россе чемпионатий призера, Россе спорта халкъашта юкъерча класса мастера — Оздой Бекхана цIи.
