«Цу лоархIамеча гIулакха юкъе дакъа лоацаш хилар Магас-Шахьара АТК секретарь вола Ильясов М. Б., къонабарашта дин а Даьхе езара никъ а хьехаш вола Налганаькъан А. И., кхувш доагIача берий гIулакхех Магас-Шахьаре гIолла йола Россе МВД отдела инспектор Пхьилекъонгий Х. С.», — аьннад хоама тIа.

ВIашагIкхетара керттера декхар дар, деша дагIача берашта терроризмах, экстремизмах мел доккха зе дала тарлу довзийтар, сага вахаре цо мел доккха зулам де йиш я хьалхадаккхар, из мел унзара хIама да царга кхетадайтар.

Къамаьл дечар иштта дийцар цу дерригнех хьадоалача зулама кертте латтар фуд а, из малагIча доакъошта декъалуш да а.

Цул совгIа, къонача гимназисташта дIадийкъар, царна из зулам дикагIа довзийтар духьа, срташ тIадола каьхаташ.