Магӏалбикерча администраце кулгалхо хоржамашта тӏахьожаш ва
19.09.2026 14:51
Хоржамий №417 йола моттиг вӏашагӏъеллача Махьмад-Хи тӏарча №1 йолча ишколе ваха хилар Магӏалбикерча администрацена хьалха латта Боканаькъан Мухьмад. Хоржамий доазон тӏара хьал мишта латт, цхьаккха кхоачамбоацар дий тохкаш, хилар хьаким.
Массайолча моттигашка гӏолла чакхвоалаш, хоржамий болх боаггӏача боараме дӏахьош бий тахкар лоархӏаме да сона. Кхадж тасса хьабаьхкача нахаца лерхӏам болаш, деррига лертӏа долаш хила деза гӏулакх», - дийцар «Сердалога» Боканаькъан Мухьмада.
Магӏалбике из болх, цхьаккха гӏалатло йоацаш, дӏабодаш ба. Хоржамий ерригача моттигаша ханнахьа дӏаболабир шоай болх, кхерамзленца, иштта кхыдарашца дувзаденнараш а лертӏа да. Кхадж тассар мел лоархӏаме гӏулакх да бахархоша кхетадеш хилар гӏадвугаш да тахан.
