ГӀалгӀай къаман
юкъара газет

Кердадараш

ГӀалгӀайчен Кулгалхочо Илдарха-ГӀалан бахархошца дийцар, шахьаре де лерхӀачох

ГӀалгӀайчен кулгалхочо Келаматанаькъан Махьмуд-Ӏаьлас аргӀанара совещани дӀайихьар Илдарха-ГӀалан ОМС, бахархошца. Цига дакъа лоацаш хиннараша, доал деча даькъ тӀарча администраце дийцаршахьара вахарца дувзаденна хаттараш, тӀехьарча хана де вӀаштӀехьадаьннарех, яхаш, хоам бу «Сердало» газетага республикан кулгалхочун зарбан болх лелабераша.

«Тахан болх беш хилар Илдарха-ГӀалий тӀа. Моттигерча доал деча даькъ тӀарча администраце, юкъарлон викалашца дийцар, шахьара вахарера лоархӀамегӀа дола хаттараш. ЯлхлагӀа шу да вай мехка къаман проекташ кхоачашъю. Россе Президента, паччахьалкхено вайна дика новкъостал лоаттаду. Вай уж таронаш хилар бахьан долаш, дегӀайоалаю шахьараш, юрташ. Цу тайпара, Илдарха-ГӀалий тӀа «Дешар» яхача къаман проектах хьалъяьй пхиъ ишкол: 540, 320 моттигашта лаьрхӀа, иштта 720 моттига лаьрхӀа кхоъ ишкол, «ДегӀадоаладар» яхача къаман проектах - 3 берий беш, уж я 220 моттига лаьрхӀа хӀараяр», - аьлар ше къамаьл деш Келаматанаькъан Махьмуд-Ӏаьлас.

Цул совгӀа 2019 шера денз йолча хана; «Фусам, шахьара хьалаш» яхача къаман проектах тоадаь кердадаьккхад 25 юкъара доазув. Кхетаче дӀахьош, Илдарха-ГӀалан кулгалхочо Дидиганаькъан Ахьмада дӀадахача шера хиннача хьокхамех дийцар. Уж дар дешара даькъ тӀа хинна хувцамаш - таханарча хано дӀаеххача беса ишколаш, деша даха ха йоацача берий урхаленаш, спортивни майдаш, наха лаьрхӀа йола объекташ хьалъяр, цул совгӀа газ чуйиллар, наькъаш тоадар, шахьара экологе хьалаш хьакхоллар, таро йоацача наха, СВО бӀухой дезалашта новкъостал дар, Илдарха-ГӀалан вахара кхыча даькъ тӀара хаттараш кхоачашдар.

Келаматанаькъан Махьмуд-Ӏаьлас белгалдир, шахьар дегӀайоалаеш, таханарча заман вахара гӀишлош хьалъе лаьрхӀа хилар, цар таро хулийтаргья лорий хьалаш лакхде, цун бахархой начӀал вахарца ювзае. Лорий, физкультуран, культуран центраш дегӀайоалаяра, ГӀалгӀай Республикерча Ӏаьдало даим тӀахьожам лоаттабу. Уж деррига хаттараш лерттӀа а ханнахьа а кхоачашдара йола чаккхе а ергья дӀахо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде