«Дуккхача шерашка болх ца беш, сеца лаьтта моттиг пайда бе йолаялар чIоагIа дега тоам беш да. 40 сага болх бе моттигаш нийсъеннай укхаза. 2023-ча шера «Мецхал» яхача СПК-га дIаеннаяр ер моттиг, хIаьта тахан укхазара хьал гIадвугаш да. 600 хьайбанна юкъе 180 Iасилг да, 160 детташ доахан да. 16-17 литр шура лу цхьан Iатто. Базар тIа дохкачул 10-15% лохагIа мах болаш, 100 тон совгIа шура, 4 тонн дулх кхаьчад вай бахархошка», - белгалдир вай Мехкадас цу лоархIамеча балхах дувцаш.

Иштта республикан кулгалхочо хьоахадир; эшаш бола ялата кхоачам хьалкхебе лаьтта тоъаргдолаш, цу оагIонцара кхоачамбоацараш юстардахара тIехьа мехка тIатеIIа къахьегаш ба, аьнна. 2000-га кхоачаш доахан дебаргдола болх дIахьоргба мехка, иштта шурийцара беркат доаржаду завод хьаелла лерхI.

Вай мехкара юртбоахама хьал тоадара тIехьа доккха дакъа лаьцад цу беркатеча моттиго. Келаматанаькъан Махьмуд-Iаьлас белгалдир, унахцIена бола кхача республике боаржабеш, ший болх хIара денна тоабеш дIагIоргья из беркате моттиг, аьнна.