«Кхадж тассарга хьежжа, моттигерча даькъ тӀа наха хьахоржаргба депутаташ. ХӀаравар декхарийла ва ший хьамсарча шахьара, юрта, мехка дикагӀа дола хьалаш лахара, шийна бакъахьа хетачоа тIехьа кхадж тасса. Из хила веза бехктокхаме а волаш, ший харжархой хьашташ кхоачашдергдолаш вола саг. Цу тайпара, наха хьадехаргда моттигерча Ӏаьдалгара шоай хьашташ кхоачашдар. Цудухьа вай бахархошкара дех аз, шоай даькъ тӀарча хоржамашка кхадж тассар. Укхаза эшаш мел дола хьалаш да, сиха кхадж тесса нах дӀабахийтара», — аьлар Махьмуд-Ӏаьлас. «Махьмуд-Ӏаьлас кхадж тессача хоржамий даькъ тӀа дакъа лоацаш дар нускал. Нускала гаргарча наха лаьрхӀар хьоалчагӀал лоархӀамегӀа деце, кхы кӀезигагӀа доацаш да кхадж тассар а, цудухьа уж баьхкабар хоржамий даькъ тӀа, шоай граждански декхар кхоачашдара. Махьмуд-Ӏаьлас лаьрхӀар, гӀалгӀай Ӏадатех доагӀаш ма хиллра, цунга мотт бастийта». «Сердало» газетага из хоам бир ГӀалгӀайчен паччахьалкхен кулгалхочун зарбан болх лелабераша.